Azərbaycanın sığorta sektorunun aparıcı şirkətlərindən olan «Meqa Sığorta» 2022-ci ilin nəticələrini açıqlayıb.
«Meqa Həyat Sığorta» sürətlə böyüyür – AKTİVLƏRİ ARTIB, MƏNFƏƏT AÇIQLADI
FED.az xəbər verir ki, ötən il şirkətin cəmi gəlirləri 23,5 milyon manat, cəmi xərcləri 18,8 milyon manat təşkil edib.
«Meqa Sığorta»nın gəlirlərinin böyük hissəsi – 21,1 milyon manatı sığorta haqlarından daxil olub, investisiya gəlirləri üzrə isə 1,4 milyon manat əldə edilib.
Xərclərdə isə əsas xərc maddələri sığorta ödənişləri - 6,75 milyon manat və təkrar sığortaya ötürülmüş risklər üzrə sığorta haqlarıdır - 4,3 milyon manat.
Eləcə də şirkət 2022-ci ildə işlərin aparılmasına 7,15 ilyon manat xərcləyib.
Nəticədə «Meqa Sığorta» 2022-ci ili 4 milyon 711 min manat maliyyə mənfəəti ilə başa vurub. Bundan 934 min manat mənfəət vergisi kimi ödənilib. Nəticədə şirkətin 2022-ci ilə üzrə xalis mənfəəti 3 milyon 777 min manat təşkil edib.
2022-ci ilin yekununda «Meqa Sığorta»nın aktivləri 43 milyon 512 min manat təşkil edib. Buk dövrdə şirkətin uzunmüddətli aktivləri 7 milyon manata yaxın və ya 32% artaraq 26 mmilyon manata yüksəlib.
2022-ci ildə şirkət qeyri-dövlət qiymətli kağızlarına ciddi yatırımlar etməyə başlayıb.
Ötən ilin nəticələrinə görə, «Meqa Sığorta»nın cəmi kapitalı 10%-ə yaxın artaraq 30 milyon 392 min manata yüksəlib.
Şirkətin öhdəlikləri isə əksinə, 5,7 milyon manat azalaraq 13,1 milyon manat təşkil edib.
