“Meqa Həyat Sığorta” 2024-cü il üzrə maliyyə hesabatını açıqlayıb.
FED.az şirkətin hesabatına istinadən xəbər verir ki, sığorta şirkəti ötən ili 1 milyon 524 min manat xalis mənfəətlə yekunlaşdırıb. 2023-cü ildə isə 1 milyon 86 min manat xalis mənfəət əldə etmişdi. Bu da o deməkdir ki, "Meqa Sığorta" şirkətinin mənfəəti son bir il ərzində 437,9 min manat (40,3%) artıb.
Bu dövrdə sığorta şirkəti təqribən 381 min manata yaxın mənfəət vergisi ödəyib.
Hesabat dövründə “Meqa Həyat Sığorta”nın əsas əməliyyat gəlirləri 36 milyon 911 min manat təşkil edib.
Sığorta şirkətinin əsas əməliyyat gəlirləri 11 milyon 680 min manata bərabər olub.
Əsas əməliyyat gəlirlərindən birbaşa sığorta üzrə sığorta haqları 11 milyon 605 min manat, sığorta ödənişlərində təkrarsığortaçıların payı üzrə gəlirlər 22,2 min manat, təkrarsığortaya verilmiş müqavilələr üzrə komissyon muzdlar üzrə gəlirlər 52,7 min manat olub.
"Meqa Həyat Sığorta"nın investisiya gəlirləri 2 milyon 608 min manat, sair gəlirlər 38,3 min manat, ümumilikdə cəmi gəlirləri isə 8 milyon 190 min manat olub.
Əvvəlki illə müqayisədə əsas əməliyyat gəlirləri 6 milyon 844 min manat (2,4 dəfə), birbaşa sığorta üzrə sığorta haqları 6 milyon 769 min manat (2,4), investisiya gəlirləri 962,6 min manat (58,5%), sair gəlirləri 25,2 min manat (2,9 dəfə), cəmi gəlirləri isə 4 milyon 108 min manat (2 dəfə) artıb.
Bu dövrdə əsas əməliyyat xərcləri 2 milyon 51 min manata, bundan sığorta ödənişləri və sığorta məbləğləri üzrə xərclər 1 milyon 28 min manata, qaytarılan sığorta haqları üzrə xərclər 667,5 min manata, təkrarsığortaya verilmiş sığorta haqları üzrə xərclər 355,7 min manata, işlərin aparılması üzrə xərclər 4 milyon 233 min manata, sair xərclər 3,7 min manata, cəmi xərcləri isə 6 milyon 288 min manata bərabər olub.
"Meqa Həyat Sığorta"nın maliyyə mənfəəti 547,4 min manat (40,3%) artaraq 1 milyon 905 min manata bərabər olub.
“Meqa Həyat Sığorta” 2024-cü ildə 48 milyon 247 min manat aktivlərə malik olub. Aktivlər son bir il ərzində 24 milyon 690 min manat və ya 2 dəfə artıb.
Öhdəliklər 23 milyon 562 min manat və ya 3,2 dəfə artaraq 34 milyon 250 min manata yüksəlib.
Bu dövrdə balans kapitalı 13 milyon 997 min manata bərabər olub ki, bu da 2023-cü illə müqayisədə 1 milyon 128 min manat (8,8%) artım deməkdir.
“Meqa Həyat Sığorta”nın əvvəlki illərdən qalan bölüşdürülməmiş mənfəətin həcmi də 690 min manat və ya 88,1% artaraq 1 milyon 473 min manata yüksəlib.
Ödənilmiş nominal (nizamnamə) kapitalı dəyişməyərək 11 milyon manat olaraq qalıb.
