Azərbaycanın ən böyük könüllü sığorta növü olan tibbi sığorta üzrə yığımlar artsa da, ödənişlərdə azalma müşahidə olunub.
FED.az Mərkəzi Bankın məlumatlarına görə, 2025-ci ilin 7 ayında tibbi sığorta yığımları 4 milyon 501 min manat (5%) artaraq 87 milyon 146 min manatdan 91 milyon 647 min manata yüksəlib.
Buna baxmayaraq, sığorta ödənişləri 3 milyon 315 min manat (6%) azalaraq 54 milyon 135 min manatdan 50 milyon 820 min manata enib.
Nəticədə tibbi sığorta üzrə zərərlilik göstəricisi də kəskin aşağı düşüb. Əgər 2024-cü ilin 7 ayına görə 62% olan zərərlilik, bu il 7 faiz bəndi azalaraq 55%-ə enib.
