Bu ilin yanvar-iyul aylarında Azərbaycanda daşınmaz əmlakın icbari sığortası üzrə 59 milyon 570 min manat sığorta haqqı toplanılıb.
FED.az bu barədə Azərbaycan Mərkəzi Bankına istinadən xəbər verir
Məlumata görə, bu, ötən ilin eyni dövrü ilə müqayisədə 288 min manat və ya 0,5% çoxdur.
2024-cü ilin 7 ayında daşınmaz əmlakın icbari sığortası üzrə yığımlar 59 milyon 282 min manat idi.
İllik müqayisə ilə bu sığorta növü üzrə sığorta ödənişi isə 102 min manat və ya 6% azalaraq 1 milyon 671 min manata düşüb.
2024-cü ilin 7 ayında daşınmaz əmlakın icbari sığortası üzrə ödənişlər 1 milyon 772 min manat olub.
Hesabat dövrü ərzində zərərlilik göstəricisi isə dəyişmərək 3% olaraq qalıb.
