«İpək Yolu Sığorta» şirkətinin sığorta yığımlarında artım baş verib.
«Qala Həyat Sığorta»nın yığımları 14 milyon manata çatır
FED.az biznes və maliyyə xəbərləri portalı Azərbaycan Mərkəzi Bankının hesabatına istinadən xəbər verir ki, 2025-ci ilin yanvar-fevral aylarında «İpək Yolu Sığorta» şirkətinin sığorta yığımları 454 min manat olub.
Bu da illik müqayisədə 69 min manat (17,8%) çoxdur.
Ötən ilin müvafiq dövründə 386 min manat sığorta haqqı toplanmışdı.
Hesabat dövündə şirkətin sığorta ödənişləri 10 min manata bərabər olub.
"İpək Yolu Sığorta" Açıq Səhmdar Cəmiyyəti 1995-ci ildə yaradılmışdır. Fəaliyyətə başladığı ilk gündən indiki dövrədək şirkət respublikanın aparıcı sığorta şirkətləri arasında özünəməxsus yer tutmuşdur. Şirkət hal-hazırda 24 sığorta növü ilə məşğul olmaq üçün müvafiq lisenziyalara malikdir. Şirkət öz müştərilərinə geniş miqyaslı, o cümlədən, bütün növ aviasiya sığortası, əmlak, avtomobil, yük, məsuliyyət, tikinti, fərdi qəza, elektron cihaz, montaj və sair növlər üzrə peşəkar sığorta xidməti göstərir. "İpək Yolu Sığorta" respublikada ilk dəfə olaraq aviasiya sığortası üzrə bir sıra lisenziya növlərinin yaradılmasının təşəbbüsçüsü kimi çıxış etmişdir.
