Azərbaycanda 2025-ci ilin yanvar-iyul ayları ərzində həyatın yaşam sığortası üzrə yığımlar və ödənişlərin həcmi açıqlanıb.
FED.az Mərkəzi Bankın hesabatına istinadən xəbər verir ki, hesabat dövründə bu növ sığorta üzrə yığımlar 447 milyon 608min manat təşkil edib.
Bu da əvvəlki ilin müvafiq dövrü ilə müqayisədə 69 milyon 489 min manat və ya 18% çoxdur.
2024-cü ilin yanvar-iyul ayları ərzində həyatın yaşam sığortası üzrə 378 milyon 119 min manat sığorta haqqı toplanıb.
Bu dövrdə bu növ sığorta ödənişləri 369 milyon 570 min manat təşkil edib ki, bu da illik müqayisədə 77 milyon 586 min manat və ya 27% çoxdur.
Ötən ilin eyni dövründə 291 milyon 984 min manat sığorta ödənişləri edilmişdi.
Hesabat dövründə zərərlilik göstəricisi isə 83% təşkil edib. Zərərlilik göstəricisi son bir ildə 6% artıb. 2024-cü ilin eyni dövründə isə zərərlilik göstəricisi 77% təşkil edib.
