Azərbaycanın tanınmış sığorta şirkətlərindən olan «Azsığorta»da bəzi sığorta ödənişləri 1,5 ilədək uzanır.
"AzSığorta”nın yığımları yenə azalıb - ZƏRƏRLİLİK GÖSTƏRİCİSİ AZALIB
FED.az xəbər verir ki, şirkətdən verilən məlumata görə, ümumiyyətlə «Azsığorta»da bəzi sığorta hadisələrinin tənzimlənməsi müddəti 500 günü keçir.
Belə ki, şirkətin icbari sığortalar üzrə hadisələrində orta tənzimlənmə (yəni hadisənin araşdırılması və ödəniş barədə qərarın verilməsi) prosesi ortalama 237 gün, yəni təqribən 8 aydavam edir.
Daşınmaz əmlakın icbari sığortası üzrə ödəniş müddəti 140 gün çəkir, digər hadisələr üzrə isə proses 522 gün davam edir. Bu təqribən 1,5 il deməkdir.
Şirkətin könüllü sığortalar portfelində isə tənzimləmə müddəti ortalama 121 gün – yəni 4 ay çəkir.
Əmlakın yanğından və digər risklərdən sığortası üzrə hadisələr 54 gün, digər könüllü sığota üzrə hadisələr 76 gün ərzində tənzimlənir.
