Azərbaycanda fəaliyyət göstərən 21 sığorta şirkətindən 20-si bu il yanvarın 1-nə aktivlərinin məbləği barədə məlumat verib ki, bunlardan da 5-də sözügedən göstərici 50 milyon manatdan çoxdur.
FED.az xəbər verir ki, həmin şirkətlər "PAŞA Həyat Sığorta" (346,807 milyon manat), "PAŞA Sığorta" (174,825 milyon manat), "Atəşgah Həyat Sığorta" (89,427 milyon manat), "Azsığorta" (60,73 milyon manat) və "Xalq Sığorta" (58,951 milyon manat) ASC-lərdir.
Adları çəkilən 5 şirkətin məcmu aktivləri 730,74 milyon manat təşkil edir ki, bu da bazarın 66,45%-i deməkdir. Qalan 15 sığorta şirkətindən 14-nün aktivləri 10-50 milyon manat arasında, 1-nin - "Amrah Sığorta" ASC-nin aktivləri isə 6,522 milyon manatdır.
20 şirkətdən 11-i ötən il aktivlərini artırıb. Ən yüksək müsbət dinamika "PAŞA Həyat Sığorta"da (66,8%), ən aşağı müsbət dinamika isə "A-Qrup Sığorta" ASC-də (3,5%) qeydə alınıb. Qalan 9 sığorta şirkətinin isə aktivləri azalıb. Ən yüksək mənfi dinamika "İpək Yolu Sığorta" ASC-də (18,2%), ən aşağı mənfi dinamika isə "Azsığorta"da (0,5%) baş verib.
Eləcə də bax: Mağazadakı malları sığortalamaq neçəyədir? – MƏBLƏĞLƏR, MİSALLAR
***
Ötən ilin sonuna 20 sığorta şirkətindən 4-də uzunmüddətli aktivlər 15 milyon manatdan çoxdur. Həmin şirkətlər "PAŞA Həyat Sığorta" (196,625 milyon manat), "PAŞA Sığorta" (43,548 milyon manat), "Xalq Sığorta" (27,609 milyon manat) və "Qala Həyat Sığorta" (15,082 milyon manat) ASC-lərdir.
Adları çəkilən 4 şirkətin məcmu uzunmüddətli aktivləri 282,864 milyon manat təşkil edir ki, bu da bazarın 76,2%-i deməkdir. Qalan 16 sığorta şirkətindən 14-nün uzunmüddətli aktivləri 1-15 milyon manat arasında, 2-nin uzunmüddətli aktivləri isə 1 milyon manatdan azdır. Bunlar "Amrah Sığorta" (17 min manat) və, "Azərbaycan Sənaye Sığorta" (812 min manat) ASC-lərdir.
20 şirkətdən 11-i 2018-ci ildə uzunmüddətli aktivlərini artırıb. Ən yüksək müsbət dinamika "PAŞA Həyat Sığorta" ASC-də (5,8 dəfə), ən aşağı müsbət dinamika isə "Meqa Sığorta" ASC-də (12,2%) qeydə alınıb. Qalan 9 sığorta şirkətinin isə uzunmüddətli aktivləri azalıb. Ən yüksək mənfi dinamika "Standard Insurance" Sığorta Şirkəti ASC-də (61,5% az), ən aşağı mənfi dinamika isə Dövlət Sığorta Kommersiya Şirkətində ("Azərsığorta") (0,1%) baş verib.
***
Bu ilin əvvəlinə 20 sığorta şirkətindən 4-də qısamüddətli aktivlər 50 milyon manatdan çoxdur. Həmin şirkətlər "PAŞA Həyat Sığorta" (150,183 milyon manat), "PAŞA Sığorta" (131,277 milyon manat), " Atəşgah Həyat Sığorta" (84,089 milyon manat) və "Azsığorta" (54,238 milyon manat) ASC-lərdir.
Adları çəkilən 4 şirkətin məcmu qısamüddətli aktivləri 419,787 milyon manat təşkil edir ki, bu da bazarın 57,6%-i deməkdir. Qalan 16 sığorta şirkətindən 12-nin qısamüddətli aktivləri 10-50 milyon manat arasında, 4-nün qısamüddətli aktivləri isə 10 milyon manatdan azdır. Bunlar "Amrah Sığorta" (6,505 milyon manat), "Bakı Sığorta" (6,664 milyon manat), "Günay Sığorta" (8,994 milyon manat) və "Rəvan Sığorta" (9,478 milyon manat) ASC-lərdir.
20 şirkətdən 10-u ötən il qısamüddətli aktivlərini artırıb. Ən yüksək müsbət dinamika "Atəşgah Həyat Sığorta" ASC-də (67,1%), ən aşağı müsbət dinamika isə "Azsığorta" ASC-də (1,3%) qeydə alınıb. Qalan 10 sığorta şirkətinin isə qısamüddətli aktivləri azalıb. Ən yüksək mənfi dinamika "Atasığorta" ASC-də (40,2% az), ən aşağı mənfi dinamika isə "A-Qrup Sığorta" ASC-də (1,6%) baş verib.
"Naxçıvan Sığorta" ASC aktivlərinin məbləğini açıqlamayıb.
