“AtaSığorta" şirkəti 2024-cü il üzrə maliyyə hesabatını açıqlayıb.
FED.az xəbər verir ki, sığorta şirkətinin ötən i əsas əməliyyat gəlirləri 10 milyon 625 min manat təşkil edib.
Bu illik müqayisədə 615,5 min manat 6,1% çoxdur.
Əsas əməliyyat gəlirlərindən birbaşa sığorta üzrə sığorta haqları 10 milyon 390 min manat, təkrarsığorta üzrə təkrarsığorta haqları 276,5 min manat, sığorta ödənişlərində təkrarsığortaçıların payı üzrə gəlirlər 25,2 min manat, təkrarsığortaya verilmiş müqavilələr üzrə komissyon muzdlar üzrə gəlirlər 362,3 min manat olub.
"AtaSığorta"nın investisiya gəlirləri 678,2 min manat, subroqasiya gəlirləri 202,8 min manat, sair gəlirlər 1 milyon 325 min manat, ümumilikdə cəmi gəlirləri isə 12 milyon 474 min manat olub.
Əvvəlki illə müqayisədə əsas əməliyyat gəlirləri birbaşa sığorta üzrə sığorta haqları 754,6 min manat (7,8%), , sığorta ödənişlərində təkrarsığortaçıların payı üzrə gəlirlər 13,6 min manat (2,2 dəfə), subroqasiya gəlirləri 23,2 min manat (12,9%), cəmi gəlirləri isə 1 milyon 427 min manat (13%) artıb.
Bu dövrdə əsas sığorta ödənişləri və sığorta məbləğləri üzrə xərclər 4 milyon 312 min manat, qaytarılan sığorta haqları üzrə xərclər 162,4 min manat, tənzimləmə xərcləri 13,5 min manat, təkrarsığortaya verilmiş sığorta haqları üzrə xərclər 1 milyon 920 min manat, qarşısıalınma tədbirləri fonduna ayırmalar üzrə xərclər 72,1 min manata, sığorta fəaliyyəti üzrə sair xərclər 22,3 min manat, işlərin aparılması xərcləri 6 milyon 223 min manat, sair xərclər 67 min manat, cəmi xərcləri isə 12 milyon 773 min manat təşkil edib.
