Azərbaycanın sığorta bazarının aparıcı şirkətlərindən olan «AtaSığorta» 2022-ci ilin yekunları üzrə maliyyə hesabatını açıqlayıb.
“Atasığorta” şirkətindən yanvar ayı üzrə uğurlu nəticələr – YIĞIMLAR ARTDI
FED.az sənədjə istinadən xəbər verir ki, 2022-ci ildə şirkət böyüyüb, aktivləri kəskin artıb.
Hesabata əsasən, «AtaSığorta»nın aktivlər i 2021-ci illə müqayisədə 3,3 milyon manat və ya 23% artaraq 14 milyon manatdan 17,5 milyon manata yüksəlib.
Artım əs asən uzunmüddətli aktivlər hesabına təmin edilib. «AtaSığorta»nın uzunmüddətli aktivləri 3,6 milyon manat və ya 48% artaraq 2021-ci ilin sonundakı 7,4 milyon manatdan 11 milyon manata yüksəlib.
2022-ciildə «AtaSığorta»nın ümumi gəlirləri 11,1 milyon manat olub. Bunun 5,5 milyon manatı əməliyat gəlirlərinin payına düşüb. Xalis sığorta ehtiyatlarının dəyişməsi isə şirkətə daha 3,4 milyon manat gəlir təmin edib. Bundan başqa, «AtaSığorta» investisiya gəlirləri şəklində 1,1 milyon manat əldə edib.
2022-ci ildə şirkətin subroqasiya gəlirləri 210 min manat, sair gəlirləri isə 858 min manat olub.
2022-ci ildə «AtaSığorta»nın xərcləri 11,6 milyon manat olub, bunun 7 milyon manatı əməliyyat xərcləridir. Ötən il «AtaSığorta» baş verən hadisələrə görə müştərilərinə 5,4 milyon manat sığorta ödənişi verib.
Bundan başqa, şirkət təkrar sığorta fəaliyəti ilə lə məşğuldur və bu sahədəki sığorta hadisələri üzrə 1,26 milyon manat ödəniş edib.
Nəticədə 2022-ci ildə şirkətin illik zərəri 2021-ci illə müqayisədə 4 dəfə azalaraq 575 min manat təşkil edib.
Qeyd edək ki, «AtaSığorta» fiziki və hüquqi şəxs müştərilərinə icbari və könüllü sığorta növləri üzrə çoxsaylı sığorta məhsulları təqdim edir. Bura avtomobillərin icbari və könüllü (KASKO) sığortası, daşınmaz əmlakın icbari və könüllü sığortası, könüllü tibbi sığorta – (Ailə Paketi) və sair aiddir.
Eləcə də şirkət hüquqi şəxslərə əmlakın sığortası, yüklərin sığortası, tikinti-montaj işləri sığortası, əməkdaşların bədbəxt hadisələrdən sığortası, məsuliyyət sığortası və sair sığorta növləri üzrə xidmətlər təklif edir.
