Yanvar-aprel aylarında Azərbaycanda fəaliyyət göstərən 22 sığorta şirkətinin 6-da yığımlar azalıb, 16-da artıb.
Eləcə də bax: Sığorta yığımlarının 78,5%-i -5 ŞİRKƏTİN PAYINA DÜŞÜR
FED.az xəbər verir ki, ən böyük azalma «Atəşgah sığorta»da olub – 24,4%. «Ata sığorta»da yığımlar 16,3%, «Meqa sığorta»da 14,6%, «Azsığorta»da 11,4%, «Xalq sığorta»da 7,6% təşkil edib.
Məbləğ baxımından ən böyük azalma «Atəşgah sığorta» (2,9 milyon) və «Meqa sığorta»da (1,6 milyon) qeydə alınıb.
16 şirkətdə isə yığımlar artıb. Faiz nisbətində nə böyük artım «Amrah sığorta» (5,5 dəfə) və «Naxçıvan sığorta»da (2,8 dəfə) qeydə alınıb. «Sənaye sığorta»da 73%, «Qala sığorta»da 68% artım olub.
Məbləğ baxımından ən böyük artım isə «Paşa həyat» (21,1 milyon), «Paşa sığorta» (11,4 milyon) və «Qala sığorta»da (5 milyon manat) qeydə alınıb.
