Dekabrın 21-də Bakıda keçirilən Azərbaycan-Türkiyə İnvestisiya Forumu çərçivəsində İqtisadi Zonaların İnkişafı Agentliyi “Azərbaycan Respublikasında investisiya qoyuluşu imkanları” mövzusunda təşkil edilən panel iclasda təmsil olunub.
Qafqazda bir ilk – Ağdamda divar kağızlarının istehsalına başlanılacaq
FED.az xəbər verir ki, iclasda İqtisadi Zonaların İnkişafı Agentliyinin İdarə Heyətinin sədri Elşad Nuriyev ölkəmizdə mövcud sənaye zonalarında yaradılan əlverişli biznes imkanları, burada türkiyəli isahibkarlar tərəfindən həyata keçirilən investisiya layihələri barədə məlumat verib.
Diqqətə çatdırılıb ki, türkiyəli iş adamları tərəfindən sənaye zonalarına böyük maraq göstərilir. İndiyədək sənaye zonalarında 4 Türkiyə şirkəti rezident kimi qeydiyyatdan keçib. Bu şirkətlər tərəfindən ümumilikdə sənaye zonalarına təqribən 90 milyon manatdan artıq investisiyanın yatırılması, 1100-dən çox iş yerinin yaradılması nəzərdə tutulur.
Elşad Nuriyev bildirib ki, 2024-ci ildə Sumqayıt Kimya Sənaye Parkında Türkiyə kapitallı şirkətin - “Kartaş Kimya” MMC-nin tikinti kimyəvilərinin istehsalı müəssisəsinin fəaliyyətə başlaması nəzərdə tutulur. Bu müəssisənin fəaliyyətə başlaması ilə sənaye zonalarında fəaliyyət göstərən Türkiyə şirkətlərinin sayı 2-yə çatacaq. Hazırda “Kartaş Kimya” MMC tərəfindən Sumqayıt Kimya Sənaye Parkının 2,5 hektar ərzisində müəssisənin tikintisi istiqamətində işlər sürətlə davam etdirilir. Şirkətin fəaliyyətə başlaması ilə 250 daimi iş yeri yaradılacaq.
Bundan başqa Türkiyə şirkətləri əsasən sənaye zonalarında tekstil, əczaçılıq, qida və s. kimi layihələrin icrasında maraqlıdırlar.
"Sənaye zonalarında istehsal olunan məhsulların bir çoxunun alıcısı demək olar ki Türkiyə şirkətləridir. Qeyd edim ki, ixrac statistikası onu deməyə əsas veririk ki, 2023-cü ildə sənaye zonalarında istehsal edilən polipropilen, yüksək sıxlıqlı polietilen, azot gübrəsinin, quyu qapaqlarının, yağış suyu barmaqlığı, sürgülü siyirtmələr, korege, qofralı, hdpe borular, yeraltı yanğın hidrantlarının, aluminium silindrik pəstahının, sürtkü yağlarının, ferrosilisiumun, şüşə lövhələrin, tütün məmulatlarının, pambıq ipliyin Türkiyəyə ixracı həyata keçirilmişdir",- Elşad Nuriyev əlavə edib. (Marja)
