"Gəncə avtomobil zavodu" İstehsalat Birliyində 2022-ci ildə əmtəəlik məhsul istehsalı 78 mln. manat təşkil edib ki, bu da 2021-ci il ilə müqayisədə 1,8 dəfə çoxdur.

Bakı və Minsk maşınqayırma sahəsində birgə layihələr - HAZIRLAYIR

FED.az xəbər verir ki, zavoddan verilən məlumata görə, ötən il 588 ədəd müxtəlif modeldə traktorlar, 140 URAL markalı, 255 ədəd KAMAZ markalı yük avtomobilləri istehsal edilib. Hesabat dövründə zavodda 226 ədəd xüsusi təyinatlı qoşqu, 5 ədəd yarımqoşqu, 1 ədəd traktor qoşqusu yığılaraq təhvil verilib.

“Hazırda müəssisədə yığım xətlərində işlər davam etdirilir”, - məlumatda qeyd olunur.

Xatırladaq ki, "Gəncə avtomobil zavodu" 2004-cü ilin dekabrında öz fəaliyyətinə başlayıb.