23 sentyabr 2023-cü il tarixində "ABAD Factory" İstehsalat Kompleksində türkiyəli investorların dəstəyi ilə şokolad istehsalı sahəsi işə salınıb.
Qubada şokolad fabriki - AÇILACAQ
FED.az xəbər verir ki, işə salınma “ABAD" publik hüquqi şəxsin fəaliyyətinin 7-ci, Quba "ABAD Factory" İstehsalat Kompleksinin 5-ci il dönümünün qeyd olunması tədbiri çərçivəsində baş tutub.
Qonaqlara çatdırılıb ki, 5 illik fəaliyyəti zamanı Quba “ABAD Factory”-nin imkanlarından 15 “ABAD”çı ailəsi yararlanıb, onların istehsal etdiyi 83 çeşid məhsul satışa çıxarılıb. Satış nəticəsində əldə olunan gəlir 600 min manatı ötüb.
Yeni istehsal sahəsi "Rayess" şokolad fabrikinin dəstəyi ilə qurulub. Hazırda burada beş istehsalat sahəsi fəaliyyət göstərir: quru meyvə, qənnadı məmulatı, kompot, süd və ət məhsulları.
