Məşhur «Tiffany & Co» zərgərlik brendi Rusiya almazından imtina edib.
Eləcə də bax: Dünyada brilyanta tələbat - REKORD HƏDDƏ ÇATIB
FED.az xəbər verir ki, şirkət Ukraynadakı hadisələrə görə, Rusiya mənşəli bütün almazlardan və brilyantlardan imtina etdiyini elan edib.
«Tiffany Rusiyadan alınan bütün almazlardan və rus mənşəli bütün brilyantlardan imtina etdiyini açıqlayıb, fərqi yoxdur onlar harada cilalanıb»-deyə açıqlamada bildirilir.
Hələlik şirkət açıqlamayıb ki, indiyədək onun mağazalarında olan rus brilyantlarının axını necə olacaq – onlar yenə satılacaqmı, yoxsa onlardan da imtina ediləcək. Şirkət öz təchizatçılarına xəbərdarlıq edib ki, rus almazlarının alışını daynadıfrsınlar, eləcə də rus və qeyri-rus brilyantları bir-birindən ayırsınlar.
Xatırladaq ki, «Tiffany & Co» şirkəti «LVMH Moet Hennessy Louis Vuitton» şirkətinə məxsusdur və indiyədək Rusiyanın almaz istehsalçısı olan ALROSA-nın böyük müştərilərindəndir.
Bundan əvvəl isə rus almazlarından imtina barədə «Brilliant Earth» və «Signet» şirkətləri də elan etmişdilər.
