2024-cü ildə Azərbaycanın ümumi şəkər ehtiyatları 1 173 529 ton təşkil edib.
FED.az bu barədə Dövlət Statistika Komitəsinin hesabatına istinadən xəbər verir.
Bu, 2023-cü illə (1 036 340 ton) müqayisədə ümumi ehtiyatların 137 189 ton və ya 13,2% artması deməkdir.
İstehsal
2024-cü ildə ölkədə 342 396 ton şəkər istehsal edilib. Bu, illik müqayisədə yerli istehsalın 51 807 ton və ya 17,8% artması deməkdir. 2023-cü ildə bu göstərici 290 589 ton olmuşdu.
İdxal
2024-cü ildə ölkəyə 93 961 ton şəkər idxal olunub. Bu göstərici ötən illə (94 215 ton) müqayisədə demək olar ki, stabil qalıb (-254 ton və ya -0,3%).
İlin əvvəlinə qalıq
2024-cü ilin əvvəlinə olan qalıq şəkər ehtiyatı 737 172 ton olub. Bu da ötən ilin müvafiq dövrü (651 536 ton) ilə müqayisədə ehtiyat qalıqlarının 85 636 ton və ya 13,1% artdığını göstərir.
