Sağlamlıq

Qəssabların - QURĞULARI SÖKÜLÜB

Qəssabların - QURĞULARI SÖKÜLÜB | FED.az
17:23 30 Sen 2019

Azərbaycan Qida Təhlükəsizliyi Agentliyinin (AQTA) əməkdaşları Agentliyin 1003 Çağrı Mərkəzinə daxil olan şikayət əsasında Bakının Nizami rayonu, Bəhruz Nuriyev küçəsində qanunsuz heyvan kəsiminin qarşısını almaq məqsədi ilə reydlər keçiriblər. 

AQTA-dan FED.az-a verilən məlumata görə, reydlərdə Nizami Rayon İcra Hakimiyyətinin və Daxili İşlər Nazirliyinin yerli orqanlarının əməkdaşları iştirak ediblər.

Eləcə də bax: AQTA rəsmisi KİV nümayəndələrinə - MÜRACİƏT EDİB

Reyd zamanı qanunsuz olaraq quraşdırılmış, qida təhlükəsizliyi tələblərinə uyğun olmayan kəsim qurğuları icra hakimiyyəti orqanlarının nümayəndələri tərəfindən sökülüb.

Həmin sahibkarlara qanunvericiliyin tələblərinə ciddi əməl olunması ilə bağlı xəbərdarlıq edilib. Sahibkarlara ərazidə fəaliyyət göstərən ixtisaslaşmış kəsim məntəqəsinin xidmətlərindən istifadə etmək və yaxud stasionar, modul və modul tipli kəsim məntəqələrini yaratmaq tövsiyə edilib.

Digər xəbərlər