Bu günlər dünya tarixdə ən böyük peyvəndləmə kampaniyasına başlanılıb.

FED.az xəbər verir ki, koronavirus pandemiyasının qarşısını almaq üçün yeganə üsul kimi təqdim edilən peyvənd kampaniyası çərçivəsində indiyədək 7 ölkədə 4,2 milyon nəfərə peyvənd vurulub. Daha bir milyard doza peyvəndin çatdırılması isə indiyədək dünyada həyata keçirilən ən böyük logistika əməliyyatı olacaq.

ABŞ-da peyvəndləmə prosesinə dekabrın 14-dən həkimlərlə başlanılıb. İndiyədək 1,94 milyon nəfərə vaksin vurulub.

Ümumilikdə ABŞ indiyədək 11 milyondan artıq vaksin alıb. Bunlardan 5,1 milyonu Pfizer/BioNTech, 6 milyon vaksin isə Moderna-dır.

Hansı ölkə nə qədər vaksin alıb? - SİYAHI

Son 100 illiyən ən dəhşətli pandemiyasından yaxa qurtarmaq üçün ölkələr vaksin almaq üçün növbəyə dayanıblar. İlkin məlumatlara görə, indiyədək artıq 8,15 milyard doza vaksin üzrə müqavilə imzalanıb. Bu - dünya əhalisinin yarıdan çoxunu əhatə etməyə imkan verir (bəzi vaksinlər iki dozada vurulacaq).

Amma məsələ ondadır ki, dünyada vaksinlər bərabər bölünməyəcək. Varlı ölkələr böyük həcmdə müqavilələrİ əvvəlcədən bağlayıblar. Buna isə böyük resurslar və vaxt gedəcək, nəticədə kasıb ölkələr vaksin almaq üçün uzun müddət növbə gözləməli olacaqlar. Çünki bəzi vaksinlərin saxlanması və daşınması üçün çox soyuq konteynerlər lazımdır. Nəticədə bəzi ölkələrə vaksin 2022-ci ildən tez çatmayacaq.

İndiyədək ən böyük müqavilə «AstraZeneca Plc» ilə bağlanılıb – 1,46 milyard ədəd doza. Ümumilikdə indiyədək vaksin alınması üçün 90 iri müqavilə bağlanılıb.

Bəzi ölkələr öz əhalisinin sayından da artıq vaksin alıblar (yəni bu barədə müqavilə bağlayıblar). Məsələn Kanada 114 milyon ədəd doza vaksin almaq barədə müqavilə bağlayıb ki, bu da onun əhalisinin sayından 3 dəfə çoxdur.

İngiltərə də 197 milyon və ya əhali sayından 3 dəfə artıq sayda vaksin alır.

Avstraliya 59 milyon vaksin alır ki, əhali sayından 2,3 dəfə artıqdır.

ABŞ ümumilikdə 555 milyon vaksin alır ki, bu da əhali sayından 1,7 dəfə artıqdır.

Avropanın əksər ölkələri – Avropa Birliyinin üzvləri əhali sayındhan 1,7 dəfə artıq sayda vaksin alırlar.

Rusiya əhali sayının 55%-i qədər, yəni 80 milyon ədəd vaksin rezerv edib. Hindistanda isə bu rəqəm 1,2 milyard ədəd və ya əhali sayının 85%-i qədərdir.

Qardaş Türkiyə 25 milyon ədəd vaksin sifariş edib ki, bu da əhalinin 30%-i qədərdir.

MDB ölkələrinin əksəriyyəti çox az sayda vaksin sifariş edib.

Məsələn Azərbaycan cəmi 500 min ədəd vaksin sifariş edib ki, bu da əhalinin cəmi 5%-i qədərdir. Ukrayna, Gürcüstan, Ermənistğanda da bu göstərici eynidir – 5%.

Əvəzində Qazaxıstan əhalisinin sayıınn 11%-i qədər vaksin sifariş verib.