2025-ci ilin yanvar–iyun ayları üzrə Bakı Fond Birjasında korporativ istiqrazlar bazarında aparılan əməliyyatların həcmi məlum olub. Əldə olunan rəqəmlər bu bazar seqmentində üç aparıcı oyunçunun digərlərindən açıq şəkildə fərqləndiyini göstərir.

İnvestisiya şirkətlərinin dövlət istiqrazları üzrə dövriyyəsinin həcminə görə renkinqi - (YANVAR-İYUN/2025)

FED.az xəbər verir ki, liderliyə “PAŞA Kapital İnvestisiya Şirkəti” QSC yüksəlib. Şirkət 981 milyon 154 min manatlıq əməliyyat həcmi ilə bazarda ilk sırada qərarlaşıb. Bu göstərici onu yalnız korporativ istiqrazlar deyil, ümumi bazar aktivliyində də ön sıralara çıxarır.

İkinci yerdə 695 milyon manatlıq əməliyyatla “Assist Finance İnvestisiya Şirkəti” ASC qərarlaşıb. Şirkət möhkəm ritm saxlayaraq bazarda ciddi paya sahib olduğunu nümayiş etdirib.

İlk üçlüyü isə 397 milyon 588 min manatlıq əməliyyatla “Unicapital İnvestisiya Şirkəti” ASC tamamlayır. Beləliklə, bazarda üçlü liderlik formalaşıb və bu şirkətlər ümumi korporativ istiqraz əməliyyatlarının böyük hissəsini öz aralarında bölüşüblər.

Dördüncü yerdə “ABB İnvest” qərarlaşıb – 115 milyon 736 min manat. Digər iştirakçılar arasında PSG Kapital (46,7 milyon AZN), Capital Partners (14,6 milyon AZN), İnvest-Az (12,5 milyon AZN) və CFI Financial (8,2 milyon AZN) kimi adlar yer alıb.

Son sıralarda isə Xalq Kapital, CPM-İnvest, MFX Trading və Troni kimi şirkətlər daha kiçik həcmli əməliyyatlarla təmsil olunublar. Ən aşağı göstərici Troni-yə məxsusdur – cəmi 730 min manat.

Daha ətraflı aşağıdakı cədvəldə: