Avropanın ən böyük polimetal yatağı "Filizçay"da həyata keçirilən işlərdən təxminən 10 milyard manat gəlir əldə ediləcək.
 
FED.az-ın məlumatına görə, bunu "AzerGold" QSC-nin İdarə Heyətinin sədri Zakir İbrahimov bildirib.
 
ELƏCƏ DƏ BAX: “AzerGold” “Çovdar” 230 milyon dollar gəlir əldə edib
 
Onun sözlərinə görə, əvvəllər bu yatağın işlənməsindən gəlirlərin 6 milyard manat olduğu deyilirdisə, son tədqiqatlar vəsaitin çox ola biləcəyini göstərib.
 
QSC sədrinin sözlərinə görə, yataqda mis, qurğuşun, sink və gümüş ehtiyatları mövcuddur.
 
Qeyd edək ki, ilkin qiymətləndirmə sənədinin işlənməsi “SRK Consulting” beynəlxalq konsaltinq şirkətinə tapşırılıb.