Azərbaycanda taxta evlərin istehsalı ilə bağlı yenicə fəaliyyətə başlayan  “Birlik-3A” MMC həm biznes sektorundan, həm də fərdi şəxslərdən sifarişləri qəbul etməyə başlayıb. Bu barədə FED.az-a şirkətin sahibi Əziz Bədirov bildirib. Sahibkarın sözlərinə görə, hazırda Azərbaycanda taxta evləri həm yaşamaq, həm bağ evi, həm də turizm obyekti üçün sifariş edilir.
Eləcə də bax: Vergilərdən açıqlama: «Kirayə mənzillərdən vergi tutulacaq»

O ki qaldı evlərin keyfiyyətinə, Ə.Bədirov bildirir ki, taxtadan olsa da, bu evlər daş evlərdən də  keyfiyyətli və dözümlüdürlər. Bunlar qətiyyən çürümür, hətta daş evlərə 50 il istifadə müddəti müəyyən edilsə də, ağac evlər üçün bu müddət 100 ildir. Məsələn, Rusiyada 200-300 il bundan əvvəl qurulmuş taxta evlər qalır və istifadə edilir.
Eləcə də bax: Kvadratı 120-150 manata ev tikən - ŞİRKƏTLƏR, SİYAHI

İş adamının sözlərinə görə, üstəlik, indi çoxsaylı texnoloji yeniliklər də var ki, onların vasitəsilə taxta evlərin istifadə müddətini uzatmaq, onları kənar təsirlərdən qorumaq olar: «Hazırda bəzi məhlullar var ki, onlar vasitəsilə bu evləri yanğından, qurdlardan və çürüməkdən tam qorumaq olur».

Taxta evlərin sahəsi edilən sifmrişdən asılıdır və ən kiçik ölçülərdə də ola bilər. Belə ki, ən kiçik evin sahəsi 15 kvadratmetrdən başlayır. Qiyməti isə layihədən, arakəsmələrin sayından, evin sahəsindən, istifadə edilən taxtanın diametrindən, mərtəbədən və sair məsələlərdən asılıdır: «Evlərin 1 kvadratmetrinin qiyməti göstərilən məsələlərdən asılı olaraq dəyişir vfə ən ucuzu 400 manatdan başlayır, sonra is 700 manat və daha yüksək ola bilər». Onların tikintisi üçün icazə məsələləri isə adi evlərdəki kimi həll edili.
Eləcə də bax: Tikinti şirkətlərinin təhvil yalanı – ALICILARIN HÜQUQLARI POZULUR
 

Turizm kottecləri üçün ölçüləri 5,5 metr olan ikimərtəbəli kotteclərin qurulması isə təqribən 25 min manata başa gələr.

Əvvəllər Azərbaycan, sonra isə Rusiyada bizneslə məşğul oln iş adamı bildirir ki, son vaxtlar Azərbaycanda biznes üçün yaradılan şərait onu qayıtmağa həvəsləndirib, amma Rusiyadakı meşə-taxta biznesini davam etdirir. Yeni müəssisəyə 400 min manat investisiya yatırdığını bildirən Bədirovun sözlərinə görə, şirkət ayda sahəsi 100 kvadratmetr olan 5 ev qura bilər.

Yenicə fəaliyyətə başlamasına baxmayaraq müəssisəyə sifarişlər daxil olmaqdadır: «Artıq 4-5 real sifarişimiz var, ondan əlavə çoxsaylı müraciətlər və danışıqlarımız var. Sifarişlər həm biznes, həm də fərdi şəxslərdən daxil olur».

Əziz Bədirovun sözlərinə görə, müracətlər həm Bakıdan, həm də Bakı ətrafı zonalardan və rayonlardan daxil olur. Bura Quba, Masallı, Lənkəran və başqa rayonlar aiddir: «Biz burada təkcə taxta ev deyil, söhbət yerləri, skamyalar, taxta bağ mebelləri, rus hamamları və sair də istehsal edə bilərik».

Bunun üçün tələb olunan taxta materialını isə Ə.Bədirov Rusiyadakı təsərrüfatından gətirir.

İş adamının sözlərinə görə, Azərbaycanda sənaye məhəlləsinin yaradılması yaxşı haldır və biznesin işləməsi üçün yaxşı üsuldur, məsələn Rusiyada belə üsul yoxdur.