"Şimal-Cənub" Beynəlxalq nəqliyyat dəhlizi ilə yük daşımaların həcmi 15 milyon tona çatdırılacaq.
Eləcə də bax: Rusiya Azərbaycanla sərhəddə keçid məntəqələrini - YENİDƏN QURACAQ
FED.az xəbər verir ki, bunu Baş nazirin müavini Şahin Mustafayev deyib.
O bildirib ki, Şimal-Cənub nəqliyyat dəhlizi indiki zamanda kifayət qədər inkişaf etmiş infrastruktura malikdir. Dəhlizin zəif hissələrinin müəyyən edilməsi və işlərin aparılmasına çalışılır.
Baş nazirin müavini əlavə edib ki, artan tələbatı nəzərə alaraq Rusiya tərəfi ilə gömrük keçid məntəqələrinə baxış keçirilib. "Bir yerdə yükdaşıma qabiliyyətini bir neçə dəfə artıra bilərik. 2030-cu ilə kimi dəmiryolu ilə daşımaların 15 milyon tona çatdırılması nəzərdə tutulub. Bura avtomobil və dəniz yolu ilə daşımaları da əlavə etmək lazımdır". (Apa)
