İranın nüvə proqramı üzrə Birgə Hərtərəfli Fəaliyyət Planı (JCPOA) bərpa olunarsa və ABŞ-ın Tehrana qarşı tətbiq etdiyi neft sanksiyaları yumşaldılarsa, İran yanacağı ilə yüklənmiş nəhəng donanma dünya neft bazarlarına çıxa bilər.

Eləcə də bax: İran: Son 5 ayda ölkənin neft gəlirləri - 5 DƏFƏ ARTIB

FED.az xəbər verir ki, bu barədə bazar ertəsi Bloomberg agentliyi Kpler analitik şirkətinin məlumatlarına istinadən məlumat yayıb.

Məlumatda Fars körfəzində, Sinqapur sahillərində və Çin yaxınlığında gəmilərdə saxlanılan 93 milyon barel İran nefti və qaz kondensatına, eləcə də İranın quru anbarlarında neft ehtiyatlarına diqqət çəkilib. Bütövlükdə, bu ehtiyatlar, Beynəlxalq Enerji Agentliyinin hesablamalarına görə, bu ilin orta gündəlik qlobal tədarükü ilə müqayisə edilə bilər - gündə 100 milyon barel. Bloomberg qeyd edir ki, JCPOA üzrə razılıq əldə olunarsa, onlar qısa müddətdə alıcılara göndərilə bilər.

JTD Energy Services-in direktoru John Driscoll, "İran tezliklə bazara çıxa biləcək nəhəng neft yüklü donanma yaradıb" deyib.  Bununla belə, onun fikrincə, Tehrandan sanksiyalar götürülərsə, sığorta və nəqliyyat məsələlərinin həllinə, həmçinin spot və fyuçers sövdələşmələrinin təşkilinə “müəyyən vaxt” sərf oluna bilər.

Driscoll bildirib ki, uzunmüddətli perspektivdə İran hasilatı bərpa etməyə və xaricə satışları artırmağa çalışacaq. O vurğulayıb ki, İran tərəfi Avropa neft bazarında Rusiyadan sonra qalan “boşluğu doldurmağı” planlaşdırır. Tehranı maraqlandıran ölkələr arasında Yunanıstan, İspaniya, İtaliya və Türkiyə var. Analitik hesab edir ki, İran bir sıra güzəştlərə getdərək, Asiya bazarında da öz mövqeyini bərpa etməyə cəhd edə bilər. (Marja)