“Bu gün Azərbaycanda sərnişin daşıyan avtobusların sayı 2 mindən çoxdur”.

FED.az xəbər verir ki, bunu Bakı Nəqliyyat Agentliyinin nümayəndəsi Vüqar Məmmədzadə deyib.

Eləcə də bax: Azərbaycanda sərnişin avtobusları sıxılmış qaz və ya elektrik mühərriki ilə işləyəcək – AÇIQLAMA

Vüqar Məmmədzadə bildirib ki, bu nəqliyyat vasitələrindən 500-dən çoxunun ödəniş prosesi nağdsız, yəni kart sistemi əsasında aparılır: “Gələcəkdə sərnişin daşıyan bütün avtobusların nağdsız ödəniş sisteminə, yəni kart sisteminə keçirilməsi nəzərdə tutulub”.

“Qeyd edim ki, ölkə rəhbərinin göstərişi əsasında ölkəyə daha 300 avtobusun gətirilməsi nəzərdə tutulub ki, bunlardan artıq 280-ni Azərbaycandadır. Həmin avtobusların texniki parametrləri yoxlanılır və marşrut xətlərinə buraxılması üzrə işlər aparılır”, – deyə Vüqar Məmmədzadə əlavə edib.

TED.az