Nəqliyyat

Bakı Limanı və "ADY Konteyner" arasında razılıq - ƏLDƏ OLUNUB

Bakı Limanı və "ADY Konteyner" arasında razılıq - ƏLDƏ  OLUNUB | FED.az
16:33 17 Yan 2020

“Bakı Beynəlxalq Dəniz Ticarət Limanı” QSC (Bakı Limanı) ilə “ADY Konteyner” MMC arasında əməkdaşlığa dair razılaşma əldə olunub.

Eləcə də bax: Bakı Limanındakı TIR-lar tezliklə - YOLA SALINACAQ - AÇIQLAMA

FED.az xəbər verir ki, QSC-dən verilən məlumata görə, razılaşma ölkə ərazisindən keçən multimodal beynəlxalq nəqliyyat marşrutları üzrə hərəkət edən konteyner yükdaşımaları sahəsində tərəfdaşlıq əlaqələrinin möhkəmləndirilməsi və birgə koordinasiyası, eyni zamanda əməliyyat proseslərinin bütün mərhələlərində əməkdaşlığı nəzərdə tutur. Razılaşmanı “Bakı Beynəlxalq Dəniz Ticarət Limanı” QSC-nin Baş direktorunun müavini Məftun Abbasov və “ADY Konteyner” MMC-nin direktoru Natiq Cəfərov imzalayıblar.

Nəzərdə tutulub ki, Çindən, Uzaq Şərqdən və Orta Asiyadan Avropaya və əks istiqamətdə hərəkət edən yüklərin aşırılması, yük konteynerlərinin təslimat və saxlancının təşkil olunması üçün Bakı Limanının konteyner terminalının potensialından istifadə olunacaq. Təchizat zəncirinin idarə olunması prosesinin dəstəklənməsi məqsədilə innovativ rəqəmsal həllərin işlənib hazırlanması və həyata keçirilməsi, Bakı Limanın açıq və qapalı anbar ərazilərində həyata keçirilə biləcək əlavə dəyər yaradan xidmət və logistik fəaliyyətlərin dəstəklənməsi istiqamətində birgə fəaliyyət göstərilməsi də sənəddə yer alan məsələlər arasındadır.

Apa

Digər xəbərlər