Türkiyə Mərkəzi Bankı (TCMB) valyuta məzənnələrindəki qeyri-sağlam qiymət formalaşması səbəbindən birbaşa satış istiqamətində bazara müdaxilə etdiyini açıqlayıb.

Eləcə də bax: Ərdoğan danışdı - Dollar Rekord Qırdı

Bildirək ki, sonuncu dəfə TCMB sonuncu birbaşa valyuta müdaxiləsini 2014-cü ilin yanvarında 3.15 milyard dollarlıq satışla həyata keçirmişdi.

FED.az biznes və maliyyə xəbərləri portalı Banker.az-a istinadən xəbər verir ki, Mərkəzi Bankın son açıqlamasından sonra dollar/lirə cütlüyünün məzənnəsi 13.4776-dan 12.4267 səviyyəsinə qədər enmişdir. Hazırda isə 13.0985 ətrafında hərəkətlənir məzənnə.

Əvvəlki illərdə edilən müdaxilələrə baxsaq, bu müdaxilənin böyüklüyü 2.5-3 milyard dollar hesabına başa gələ bilər, bunu Bloomberg HT-yə Derici Şengül iqtisadçı bildirir.

“Ancaq Mərkəzi Bankın banklarla etdiyi svoplar nəzərə alındıqda, qısa mövqe tutur. Bu fəaliyyət imkanlarını daraldır. Təbii bu o demək deyil ki, TCMB-nin müdaxilələr üçün kifayət qədər gücü yoxdur. Müdaxilə bazarın tələbinə uyğun olaraq bank sistemi vasitəsilə həyata keçirilir. TCMB hazırda xarici valyutanı birbaşa bazara çıxarır” – deyə Derici Şengül bildirir.