Moskva birjasında ticarət zamanı avronun məzənnəsi iyulun 28-dən bəri ilk dəfə olaraq 100 rubldan aşağı düşüb.
VTB-nin rəhbəri Rusiyadan rublun çıxarılmasına limit tətbiq etməyi - TƏKLİF EDİB
FED.az xəbər verir ki, Moskva birjasında dolların məzənnəsi isə 93 rubldan aşağı düşüb. Bu,18 avqustdan bəri ilk dəfədir.
Yuanın məzənnəsi isə 13 rubldan aşağı düşüb. Bu da 25 avqustdan bəri ilk dəfədir.
Dollar 2,77% ucuzlaşaraq 92,45 rubl təşkil edib. Eyni zamanda, avro 3,01% ucuzlaşaraq 99,41 rubl olub. Yuan isə 0,24% dəyər itirərək 12,988 rubla düşüb.
Sentyabrın 15-də keçiriləcək növbəti iclasda Rusiya Mərkəzi Bankı uçot dərəcəsini yenidən 2 bənd artıraraq 14 faizə qaldıra bilər. Bu, rubl əmanətlərinin cəlbediciliyini artıra, kreditləşməni yavaşlada, idxal və xarici valyutaya tələbi azalda bilər. Qeyd edək ki, 15 avqustda Rusiya Mərkəzi Bankı növbədənkənar iclasında uçot dərəcəsini illik 8,5%-dən 12%-ə qaldırıb.
İqtisadçılar bildirir ki, Rusiya Mərkəzi Bankının faiz artıracağı gözləntiləri, ixracatçılardan xarici valyuta təklifinin artması və daxili statistikada müsbət xəbərlər rublun bu həftənin əvvəlində möhkəmlənməsinə səbəb olub. Hər şey yaxşı getsə, yaxın həftələrdə dollar 90 rubla kimi ucuzlaşa bilər. Rusiya büdcəsinin profisitə qaytarılması, həmçinin VTB-nin rəhbəri Andrey Kostinin açıqladığı rublla xaricə vəsaitlərin köçürülməsinə mümkün limitlərin tətbiqi Rusiya valyutasına əlavə dəstək verir. (Marja)
