Xəbər verdiyimiz kimi, Türkiyədə əhalinin dollar alışını azaltmaları və vəsaitlərini Türk Lirəsində saxlamaları üçün məzənnəyə bağlı (indeksli) Türk lirəsi depozit məhsulu (aləti) iistifadəyə verilib.
Eləcə də bax: Türkiyədə lirə ilə bağlı yeni sistem işə salındı - DETALLAR
FED.az xəbər verir ki, yeni məhsul üzrə əmanət hesablarını 3, 6, 9 və 12 ay müddətlərinə açmaq mümkün olacaq. Müddətin sonunda məzənnənin dəyişməsinin faiz nisbəti əmanətin faizindən yüksək olması vəziyyətində yaranacaq fərq müştərinin hesabına TL-də olmaqla Maliyyə Nazirliyi tərəfindən köçürüləcək. Müddətdən əvvəl hesabdan pul çıxarılması vəziyyətində hesab müddətsiz hesaba çevriləcək, faiz almaq haqqı ortadan qalxacaq.
Məlumata görə, əmanətin açılış günü və son müddəti dövründə məzənnənin dəyişməsu nisbəti müqayisə ediləcək. Əgər məzənnənin artım nisbəti (Dolların bahalaşması faizi) əmanətin faizindən yüksək olarsa aradakı fərq təzminat olaraq əmanətçiyə ödəniləcək.
"Türk lirəsi üçün müvəqqəti bir rahatlama təmin edəcək, lakin iqtisadiyyatdakı struktur problemlərini dəyişdirə bilməz"
Marja.az "Bloomberg"ə istinadən xəbər verir ki, "Medley Advisor"un İnkişaf edən bazarlar departamentinin Direktoru Nick Stadtmiller, yeni alət ilə əlaqədar, "problem - Türk lirəsi dəyər itirdikcə hökumət əmanət sahiblərinin zərərlərini qarşılamaq üçün daha çox Türk lirəsi çap etmək məcburiyyətində qalacaq", - deyib.
"Bu (daha çox pul çapı - red), Türk lirəsinin ucuzlaşmasını daha da artıracaq", - deyən Stadtmiller, yeni maliyyə alətinin işə yaraması halında planın da işə yaracağını, amma alətin işləməməsi halında Türk lirəsinin daha da çox dəyər itirəcəyini ifadə edib.
Stadtmiller bu alətin Türk lirəsi üçün müvəqqəti bir rahatlama təmin edəcəyini, lakin iqtisadiyyatdakı struktur problemlərini dəyişdirə bilməyəcəyini vurğulayıb.
"Yeni plan xərclidir"
"TD Securities"dən Cristian Maggio da hökumətin dolların məzənnəsi yüksələn zaman əmanətçilərin zərərlərini kompensasiya etmək planının çox xərcli və davamlı olmayacağını bildirib.
Dollar/TL məzənnəsi 11 səviyyəsindəykən Türk lirəsində əmanətlərin 241 milyard dollara qarşılıq gəldiyini vurğulayan Maggio, "Məzənnə 18 səviyyəsinə yüksəlsə Türk lirəsindəki əmanətlər 148 milyard dollara qarşılıq gəlir. Yəni, hökumət Bazar ertəsi günkü kimi bir məzənnə hərəkətini kompensasiya etmək istəsə bunun xərci 94 milyard dollar ətrafında olacaq. Yeni alət davamlı olmayacaq", - deyib. (Marja)
