Azərbaycan Mərkəzi Bankının (AMB) 236 milyon ABŞ dollarlıq valyuta satışı Azərbaycan Beynəlxalq Bankının (ABB) keçmişdən qalan qısa açıq valyuta mövqeyi tam bağlanılıb.
Eləcə də bax: Azərbaycan Mərkəzi Bankı FED-in faiz qərarlarının təsirini - ŞƏRH EDİB
FED.az xəbər verir ki, bunu AMB-nin sədri Taleh Kazımov onlayn rejimdə keçirdiyi mətbuat konfransında bildirib.
Onun sözlərinə görə, Mərkəzi Bank öz rezervlərindən bu məbləğdə valyutanı satdı ki, ABB valyuta mövqeyini bağlasın:
“Hazırda Azərbaycan maliyyə sektorunda bu situasiya heç bir bankda müşahidə olunmur. Artıq Beynəlxalq Bankın açıq valyuta mövqeyi bağlanılıb və bütün prudensial normativlərin tələblərinə riayət olununr. Valyuta mövqeyimizi 2 aya bərpa edəcəyimizi proqnozlaşdırsaq da, artıq 1 aya bərpa etdik. Bu addım sadəcə, maliyə sektorunu dəstəkləmək baxımından həyata keçirilib”.
Qeyd edək ki, uzun müddət davam edən ABB-nin qısa açıq valyuta mövqeyi problemi bankın restrukturizasiya prosesi nəticəsində yaranıb. (Report)
