Beynəlxalq kredit reytinqi təşkilatı"Fitch Ratings", 2021-ci ilə dair qlobal iqtisadi artım proqnozunu 6%-dən 5,7%-ə endirib.
Eləcə də bax: "Goldman Sachs" daha yüksək - İnflyasiyanın Olacağını Gözləyir
FED.az "Fitch"in "Qlobal İqtisadi Proqnozlar" Hesabatının dekabr sayına istinadən xəbər verir ki, dünya iqtisadiyyatının bu il 5,7% və 2022-ci ildə 4,2% artmasının gözlənildiyi qeyd edilib. "Fitch", sentyabr ayında açıqladığı proqnozlarda qlobal iqtisadiyyatın 2021-ci ildə 6%, 2022-ci ildə isə 4,4% artacağını nəzərdə tutmuşdu.
Hesabatda, aşağı istiqamətli dəyişikliyə baxmayaraq qlobal iqtisadiyyatın 2021-ci il üzrə artım proqnozunun 1973-cü ildən bu yana ən sürətli artım nisbəti olduğu, qlobal iqtisadiyyatının "staqflyasiyadan" çox uzaqda olduğu qeyd edilib.
Keçən il ərzində qlobal cəmi tələbdəki güclü bərpanın, istehsalda bərabər bir yaxşılaşma ilə qarşılanmadığı qeyd edilən hesabatda, təklif qıtlığının real ümumi daxili məhsulun bu ilin üçüncü rübündə gözləniləndən daha az artmasına, qiymətlərin isə gözləniləndən çox yüksəlməsinə səbəb olduğu bildirilib.
Hesabatda, sənaye istehsalında son dövrdə yaşanan tədarük zənciri axsamaları səbəbilə ABŞ, Almaniya və Yaponiya kimi iqtisadiyyatların bu ilə dair artım təxminlərinin aşağı salındığı qeyd edilib.
2021-ci il üçün iqtisadi artım proqnozu ABŞ iqtisadiyyatı üzrə 6,2%-dən 5,7%-ə, Avro Bölgəsi üzrə 5,2%-dən 5%-ə endirilib.
"Fitch"in hesabatında Çin iqtisadiyyatının 2021-ci ildə 8% və 2022-ci ildə isə 4,8% böyüməsinin gözlənildiyi bildirilib.
Mart ayından bu yana qlobal istehlak mallarının qiymətlərində sürətli artımın, xüsusilə ABŞ-da təmin edilən təşviqlərin qızışdırdığı mal tələbindəki artımı əks etdirdiyinə işarə edilən hesabatda, mal qiymətlərinin 2022-ci ildə sabitləşməsinin gözlənildiyi ifadə edilib.
Hesabatda, inflyasiya proqnozlarında yuxarı istiqamətli dəyişikliklər edildiyi qeyd edilərək, inflyasiya təzyiqlərinin artması ehtimalının yüksəlməsinin mərkəzi bankları arahat etdiyi vurğulanıb. (Marja)
İnflyasiyanın bir cəmiyyət narahatlığı halına gəldiyi və enerji qiymətlərindəki şoklar ilə daha da gücləndiyinə diqqət çəkilən hesabatda, inflyasiya proqnozlarının artdığı qeyd edilib.
Hesabatda, yüksək inflyasiyanın siyasət gərginliklərini artırdığına işarə edilən hesabatda, "Covid-19-un "Omicron" variantı iqtisadi artım üçün aşağı istiqamətli risk yaradır, ancaq təklifə mənfi istiqamətdə təsir edərək daha çox qiymət artımına səbəb ola bilər və mərkəzi bankların normallaşmanı gecikdirməsi vəziyyətində risk mənasına gələ bilər" ,- deyilir.
Hesabatda, inflyasiyanın qlobal pul siyasəti normallaşmasını sürətləndirdiyi vurğulanaraq, ABŞ Mərkəzi Bankının (Fed) 2022-ci ilin Sentyabr ayında və İngiltərə Mərkəzi Bankının (BOE) bu ayın sonunda faiz artırmasının gözlənildiyi bildirilib.
Avropa Mərkəzi Bankının (ECB) faiz nisbətlərinin 2023-cü ilə qədər sabit qalacağının gözlənildiyi qeyd edilib.
ABŞ dollarının daha da güclənməsinin gözlənildiyinə diqqət çəkilən hesabatda, daha güclü bir dollar və daha zəif Çin iqtisadi artımının 2022-ci ildə əmtəə qiymətləri üzərində təzyiq yarada biləcəyi, inkişaf edən ölkə iqtisadiyyatları üzərindəki təzyiqi artıra biləcəyi qeyd edilib.
