Qırğızıstanda cümə axşamı qırğız somunun dollara nisbətdə məzənnəsi kəskin ucuzlaşıb.
Eləcə də bax: Qazaxıstan uçot dərəcəsini gözlənilmədən - ARTIRIB
FED.az xəbər verir ki, Bişkekin bəzi kommersiya banklarında səhər saatlarında bir dollar 84,5-84,9 somdan 95 soma yüksəlib.
Respublikanın paytaxtının əksər özəl valyutadəyişmə məntəqələrində Amerika valyutası qalmayıb, çünki şəhər sakinləri gün ərzində onu aktiv şəkildə alıblar.
Bundan başqa, fevralın 24-də şəhərdə Rusiya rublunun soma nisbətdə məzənnəsi təxminən 25-35% ucuzlaşıb.
Somun dollara nisbətdə rəsmi məzənnəsi dəyişməyib və Qırğızıstan Milli Bankının məlumatına görə, 1 dollar 84,8 som təşkil edir.
"Qırğızıstan somunun aparıcı dünya valyutaları, o cümlədən dollar qarşısında kəskin ucuzlaşması dünyada baş verən siyasi proseslərlə bağlıdır".
Bu barədə cümə axşamı Qırğızıstan Milli Bankı məlumat yayıb.
“Ukraynadakı son hadisələrin yaratdığı geosiyasi vəziyyət, eləcə də ABŞ və Avropa İttifaqı ölkələrinin Rusiyaya qarşı mümkün sanksiyaları barədə məlumatlar fonunda Rusiya rublunun məzənnəsində yüksək volatillik müşahidə olunur. Rusiya Federasiyası Qırğızıstan Respublikasının əsas ticarət və iqtisadi tərəfdaşlarından biridir və ticarət tərəfdaşı ölkələrin iqtisadiyyatlarında vəziyyətin dəyişməsi Qırğızıstanın valyuta bazarına dolayı təsir göstərə bilər”, - deyə maliyyə tənzimləyicisi izah edir.
Açıqlamada qeyd olunub, Qırğızıstanın əsas ticarət tərəfdaşları olan ölkələrin maliyyə bazarlarında yaranmış vəziyyət “daxili valyuta bazarında ABŞ dollarının məzənnəsinin artmasına səbəb olub ki, bu da (qiymət artımı) daha çox psixoloji amillər və bazar iştirakçılarının gözləntiləri ilə əlaqədardır".
“Daxili valyuta bazarında vəziyyəti sabitləşdirmək üçün Milli Bank valyuta intervensiyaları həyata keçirib. Lazım gələrsə, Milli Bank valyuta bazarında iştirakını davam etdirəcək, onu tənzimləmək üçün lazımi resurs və alətlərə malikdir, - deyə bank əmin edib.
Eyni zamanda, bank qeyd edib ki, respublikanın kifayət qədər beynəlxalq maliyyə ehtiyatları var və hazırda bu ehtiyatlar 2,792 milyard dollar təşkil edir. “Milli Bank daxili valyuta bazarında və xarici maliyyə bazarlarında yaranan vəziyyəti daim izləyəcək, zərurət yaranarsa, pul siyasətinə uyğun tədbirlər görəcək”, - deyə məlumatda vurğulanır.
Rusiya prezidenti Vladimir Putin cümə axşamı səhər qondarma Donbass respublikalarının rəhbərlərinin müraciətinə cavab olaraq xüsusi hərbi əməliyyat keçirmək qərarına gəldiyini bildirib. Rusiya lideri vurğulayıb ki, Moskvanın planlarına Ukrayna ərazilərinin işğalı daxil deyil.
Rusiya Federasiyasının Müdafiə Nazirliyi Rusiya ordusunun Ukrayna şəhərlərinə zərbələr endirmədiyini, hərbi infrastrukturun yüksək dəqiqlikli vasitələrlə sıradan çıxarıldığını bildirib. Nazirlik əmin edir ki, mülki əhali üçün heç bir təhlükə yoxdur. (Marja)
