Azərbaycanda bank kartlarının sayı artdığı kimi, onlardan nağdsız ödənişdə istifadə sayı da yüksəlməkdədir. Cari ilin ilk yarısında qeydə alınan rəqəmlər ölkə tarixində yeni rekorddur.

Eləcə də bax: Azərbaycanda dövriyyədə olan ödəniş kartlarının sayı - AÇIQLANIB

FED.az Banker.az-a istinadən xəbər verir ki, 2022-ci ilin ilk yarım ildə Azərbaycanda POS-terminallarla aparılan nağdsız ödəniş əməliyyatlarının həcmi 41 faiz artaraq 2 mlrd. 494 mln. manat olub. Təkcə iyun ərzində POS-terminallarla nağdız ödəniş 484 milyon manat olmaqla indiyə qədər qeydə alınmış ən yüksək rəqəm olub.

2022-ci ilin birinci yarısında ölkədə elektron-ticarətlə ödənişlər öncəki ildən 3 dəfəyə yaxın artmaqla 7 milyard 347 milyon manat olub. Belə görünür ki, 2022-ci il üzrə e-ticarət ödənişlərinin həcmi 15-16 milyard manata çatacaq.

İyun ayı üzrə elektron ödənişlərin həcmi 1 milyard 526 milyon manat olmaqla – tarixi rekord yeniləyib.