2021-ci ilin oktyabrında Azərbaycan manatının məzənnəsi tərəfdaş ölkələrin valyutaları qarşısında möhkəmlənib. Bu da son iki ayda ardıcıl artım tendensiyasının davam etməsidir.

Eləcə də bax: Bank sektorunun əsas göstəriciləri - AÇIQLANDI

FED.az biznes və maliyyə xəbərləri portalı Banker.az-a istinadən xəbər verir ki, bu barədə Azərbaycan Mərkəzi Bankı bildirir.

2021-ci ilin oktyabr ayında manatın ticarət tərəfdaşları valyutalarının qarşı real effektiv məzənnəsi 105.5 bənd təşkil edib.

Bu da son bir ayda 2.1 bənd, 2.03% artım deməkdir. İlin əvvəlindən isə 5.6 bənd,            yaxud 5.6% artmışdır.

Qeyri-neft sektoru üzrə manatın real effektiv məzənnəsi (REM) 101.4 bənd təşkil edib ki, bu da son ayda 1.5 bənd artım deməkdir.

REM – Manatın ticarət partnyoru olan ölkələrin valyutalarına nəzərən ikitərəfli nominal məzənnələrinin dəyişiminin ticarət xüsusi çəkiləri və həmin ölkələrdə inflyasiya nəzərə alınmaqla həndəsi ortasını əks etdirir.