“Valyuta bazarında tarazlıq hökm sürür və tam stabildir”.
FED.az “Qafqazinfo”ya istinadən xəbər verir ki, bunu Mərkəzi Bankın sədri Elman Rüstəmov bu gün keçirilən onlayn mətbuat konfransında deyib.
Eləcə də bax: Gürcüstan Milli Bankı: Azərbaycan manatı ABŞ dollarına qarşı - Möhkəmlənib
O bildirib ki, yanvarda müəyyən tələbin artması müşahidə edilib: “Son ayların trendləri göstərir ki, tarazlıq bərpa olunub. 140 milyon dollar Dövlət Neft Fondunun satışından qənaət var. Manatın məzənnəsinə hansısa təzyiq yoxdur.
Mərkəzi Bank bazardan valyuta almır. Biz tam liberal bazardayıq. Bu gün bazarda profisit var. Maraqlıyıq ki, bazara çıxarılan valyuta satılsın və xəzinədarlığa daxil olsun”.
