Azərbaycanda ödəniş kartlarının sayının artması 2021-ci ilin oktyabr ayında da davam edib.
Eləəc də bax: Bank sektorunun kredit qoyuluşlarında - BÖYÜK ARTIM
FED.az Mərkəzi Banka istinadən xəbər verir ki, ödəniş kartlarının ümumi sayı sentyabr ayının sonu ilə müqayisədə oktyabr ayı ərzində 244 min ədəd artaraq 10 milyon 673 min ədədə çatıb.
2020-ci ilin sonu ilə müqayisədə, 10 ay ərzində (yanvar-sentyabr) ödəniş kartlarının ümumi say 1 milyon 443 min ədəd artıb.
Oktyabr ayında sosial kartların sayı 64 min ədəd artaraq 3 milyon 460 min ədədə, əməkhaqqı kartlarının sayı 23 min ədəd artaraq 2 milyon 629 min ədədə, sosial və əməkhaqqı kartı olmayan digər debet kartlarının sayı 98 min ədəd artaraq 3 milyon 222 min ədədə, kredit kartlarının sayı isə 59 min ədəd artaraq 1 milyon 362 min ədədə çatıb.
Cari ilin 10 ayı ərzində (yanvar-oktyabr dövründə) sosial kartların sayı 17 min ədəd, əməkhaqqı kartlarının sayı 128 min ədəd, sosial və əməkhaqqı kartı olmayan digər debet kartlarının sayı 1 milyon 29 min ədəd, kredit kartlarının sayı isə 269 min ədəd artıb.
Qeyd edək ki, 2020-ci il ərzində cəmi ödəniş kartlarının sayı 1 milyon 964 min ədəd artmışdır. 2019-cu ilin sonunda cəmi ödəniş kartlarının sayı 7 milyon 266 min ədəd təşkil etmişdi.
2020-ci il ərzində sosial kartların sayı 1 milyon 60 min ədəd, əməkhaqqı kartlarının sayı 185 min ədəd, digər debet kartlarının sayı 424 min ədəd, kredit kartlarının sayı isə 210 min ədəd artmışdı.
(Marja)
