İsveçrənin ən böyük bankı olan «UBS», qlobal maliyyə bazarlarını təhdid edən bank böhranının mərkəzində olan İsveçrənin digər bankını – «Credit Suisse»i tarixi bir razılaşma ilə satın alıb. 

Avropanın ən varlı ölkəsi xaricdən işçilər axtarır – PEŞƏLƏR, MAAŞLAR

FED.az xəbər verir ki, hazırda dünyada ABŞ-dan başlayan bank böhranı təhlükəsi var. Avropada bu təhlükə mənbəyi İsveçrənini birdən-birə halı pisləşən ölkənin ikinci ən böyük bankı «Credit Suisse Group AG» bankıdır. 

Zavod qiyməti 3000 dollar, mağaza qiyməti 7500 dollardır - İsveçrə saatlarının - SATIŞI REKORD VURUB

Keçən həftə ABŞ-da başlayan bank sektoru böhranı ilə Credit Suisse Avropanın mərkəz nöqtəsinə çevrildi. Bankın ən böyük ortağı Səudiyyə Milli Bankı buradakı kapitalını artırmayacaqlarını elan edəndən sonra isə bankın səhmlərinin qiymətləri kəskin ucuzlaşıb və müştərilər banka axışmağa başlayıb. Nəticədə keçən həftə bankdan gündəlik 10 milyard frankdan çox depozit geri götürülüb. Credit Suisse, "likvidliyini gücləndirmək" üçün İsveçrə Milli Bankından (SNB) 50 milyard frank (54 milyard dollar) qədər borc alacağını açıqlayıb. Amma sonda bu da baş tutmayıb. 

İsveçrədə evlər 1 franka satılmağa başlayıb – ŞƏRTLƏR

İsveçrə hökuməti böhranın qarşısını almaq üçün «Credit Suisse»i digər böyük banka «UBS Group AG»-a satmağa qərar verib. Bu səylər uğurla başa çatıb və «UBS Group AG», vaxtilə ona rəqib olan, indi isə qlobal maliyyə bazarlarına təhlükə yaradan «Credit Suisse Group AG»ni almağa razılıq verib. 

Özü də «UBS Group AG» öz rəqibini aşağı qiymətə, hətta iki qat ucuz alıb. Belə ki, «UBS» rəqibini əldə etmək üçün 3 milyard İsveçrə frankı (3,3 milyard dollar) ödəməyə razı olub. Bütün səhm köçürmələrini əhatə edən sövdələşmə, Credit Suisse-in cümə gününə olan 7,4 milyard frank dəyərindən xeyli aşağı olacaq. 

Hökumətlə «UBS Group AG» arasında razılaşmaya əsasən bu alqı-satqıdan sonra İsveçrə Milli Bankı «UBS»yə 100 milyard frank likvidlik xətti verməyə razılaşıb. İsveçrə hökuməti, həmçinin UBS-ə alışdan yarana biləcək itkilərə görə 9 milyard frank zəmanət də verəcək. 

İsveçrə Milli Bankı və FINMA-nın bəyanatı

İsveçrənin Maliyyə Bazarlarını Tənzimləmə Təşkilatı (FINMA) alışı təsdiqlədiyini açıqlayıb. “İdarəetmə və tədbirlər UBS və Credit Suisse müştəriləri və İsveçrə maliyyə mərkəzi üçün sabitliyi təmin edəcək”, - məlumatda deyilir. Agentlik həmçinin bildirdi ki, hökumət dəstəyi Credit Suisse AT1-in bütün 16 milyard frank (17,2 milyard dollar) səhmlərinin silinməsinə səbəb olacaq.

İsveçrə Milli Bankından verilən açıqlamada, sözügedən satınalma ilə maliyyə sabitliyini təmin etmək və bu müstəsna vəziyyətdə ölkə iqtisadiyyatını qorumaq üçün həll yolu tapıldığı bildirilib.

İsveçrənin maliyyə naziri bildirib ki, onların satın alınmasında əsas məqsəd maliyyə sektorunu və ölkə iqtisadiyyatını qorumaqdır. İsveçrə hökuməti federal hökumətin UBS üçün riskin azaldılmasını təmin etmək üçün UBS-ə 9 milyard frank zəmanət verdiyini açıqladı və ələ keçirmə tamamlanana qədər maliyyə bazarının sabitliyini gücləndirəcəklərini bildirdi.

ABŞ-dan FED də açıqladı: Biz bunu alqışlayırıq

ABŞ Maliyyə Nazirliyi və FED də alışla bağlı açıqlama verib: "İsveçrə səlahiyyətlilərinin maliyyə sabitliyini dəstəkləmək üçün qəbul etdiyi qərarı alqışlayırıq".
Mənbələr, satınalma reallaşarsa, Credit Suisse-in investisiya bankı bölməsində işdən çıxarılacağını bildirib.
Tənzimləyici qurumlar tərəfindən yaxından izlənilən və qlobal maliyyə sistemində mühüm banklar arasında yer alan Credit Suisse-in mümkün iflasının bütün maliyyə sisteminə sirayət edəcəyindən ehtiyatlanırdı.