Maliyyə

IMF: Azərbaycanın uzunmüddətli böyümə potensialını artırmaq üçün - Struktur İslahatlara Ehtiyac Var

IMF: Azərbaycanın uzunmüddətli böyümə potensialını artırmaq üçün - Struktur İslahatlara Ehtiyac Var | FED.az
11:14 19 İyun 2021

Azərbaycanda məhsuldarlığı və uzunmüddətli böyümə potensialını artırmaq üçün struktur islahatlara ehtiyac var.

Eləcə də bax: Valyuta Fondu: "Azərbaycanda pandemiyadakı yumşalmadan sonra, banklara tələblər əvvəlki vəziyyətə qayıtmalıdır"

FED.az xəbər verir ki, bu barədə Beynəlxalq Valyuta Fondu (IMF) Nizamnaməsinin IV maddəsi üzrə missiyasının Azərbaycan barədə hesabatında bildirilir.

Sənədə əsasən, sosial-iqtisadi inkişaf üçün bu yaxınlarda milli prioritetlərə uyğun olaraq təsdiqlənmiş hərtərəfli struktur islahatları, önümüzdəki on ildə davamlı, əhatəli və "yaşıl" iqtisadi böyüməni təşviqi istiqamətində uzun bir yol keçəcək.

"İqtisadiyyatın şaxələndirilməsi və dinamik qeyri- karbohidrogen sektorunun inkişafının təşviqi, Azərbaycanın iqtisadi inkişaf perspektivlərini artırmaq və iş yerləri açmaq üçün çox vacibdir.

Bu baxımdan, son vaxtlar dövlət mülkiyyətində olan müəssisələrin idarəçiliyində səmərəliliyinin artırılması, rəqabətin təşviqi, idarəetmənin, şəffaflığın, maliyyəyə çıxışın artırılması və təhsil, səhiyyə və sosial müdafiə üçün kifayət qədər maliyyələşdirmənin təmin edilməsi addımları dəstəklənməlidir. Bununla yanaşı, işçi qüvvəsinə pandemiyanın izləri ilə mübarizə aparmağa kömək etmək və neft ehtiyatlarının tükənməsi, rəqəmsallaşma və iqlim dəyişikliyi ilə əlaqəli uzunmüddətli problemlərə daha yaxşı hazırlaşmaq lazımdır", - hesabatda deyilir. (Report)

Banner

Digər xəbərlər