Azərbaycan Dövlət Neft Fondunun 2023-cü il üzrə büdcəsi kəsirlə tərtib edilib.
Dövlət Neft Fondu daşınmaz əmlakda - ZƏRƏR EDİR
FED.az xəbər verir ki, büdcə layihəsinə əsasən 2023-cü ildə fondun gəlirləri 8 milyard 990,9 mln. manat, xərcləri isə 11 milyard 392,3 mln. manat məbləğində müəyyən edilib.
Nəticədə Neft Fondunun büdcəsidə 2 milyard 401,4 milyon manat kəsir nəzərdə tutulub.
FED.az xəbər verir ki, Neft Fondunun illik büdcəsinin kəsirlə tamamlanmasının səbəbi Fondun gəlirlərnin kəskin şəkildə azalması ilə bağlı proqnozlardır.
Belə ki, bundan əvvəlki iki ildə - 2020-2021-ci illərdə Fondun gəlirləri 2023-cü ilin proqnozu ilə müqayisədə xeyli yüksək olub.
2020-ci ildə fonun gəlirləri 15 milyard 986 milyon manat, 2021-ciildə isə 15 milyard 789 milyon manat tiəşkil edib.
Hesablama Palatasının Neft Fondunun 2023-cü il büdcəsi ilə bağlı rəyinə əsasən, büdcədə fondun gəlirlərinin az göstərilməsinin səbəbi həm neft hasilatının azalması, həm də neftin qiymətinin büdcədə daha aşağı götürülməsidir.
Belə ki, Neft Fondun gəlirlərinin əsas mənbəyini təşkil edən Azəri-Çıraq-Günəşli yatağından (Əsrin müqaviləsi) 2023-cü ildə 129,6 milyon barel neft hasila edilməsi gözlənilir. Bu 2022-ci ildəki göstərici (153,1 mln. barrel) ilə müqayisədə 23,5 mln. barel azdır.
Şahdəniz yatağı üzrə qaz hasilatı isə 2022-ci illə müqayisədə 1,5 mlrd. kub metr artıq nəzərdə tutulub.
Nəhayət, 2023-cü ildə neftin büdcədəki qiyməti 50 dollar nəzərdə tutulub (2022-ci ildə 85 dollar idi). Bu dəyişikliklər nəticəsində Neft Fondunun illik gəliri 8 milyard 990,9 mln. manat nəzərdə tutulub.
Fondun xərcləri isə 11 milyard 392,3 mln. Manat, büdcə kəsiri 2 milyard 401,4 proqnoz edilib.
