Çin və Səudiyyə Ərəbistanı 2022-2023-cü maliyyə ilində Pakistanın iqtisadiyyatını dəstəkləmək üçün 13 milyard dollar aıracaq.
Eləcə də bax: AMB sədri Pakistanın maliyyə-bank sektoru ilə əməkdaşlıq imkanlarını - MÜZAKİRƏ EDİB
FED.az xəbər verir ki, bu barədə «News» qəzeti Pakistanın maliyyə və gəlirlər naziri İshaq Dara istinadən məlumat yayıb.
Onun sözlərinə görə, baş nazir Şahbaz Şərif Çin və Səudiyyə Ərəbistanına səfərləri zamanı hər iki ölkənin hakimiyyət orqanlarından “2023-cü ilin iyun ayına qədər Pakistanın maliyyə ehtiyaclarını qarşılamaq barədə zəmanət alıb». Nəşrin məlumatına görə, İslamabada verilməsi planlaşdırılan maliyyə paketlərinə 13 milyard dollar məbləğində əlavə vəsaitin ayrılması, o cümlədən suveren kreditlər üzrə depozitlərin müddətinin uzadılması və İslam Respublikası üçün dövlət və kommersiya üzrə ödənişlərin təxirə salınması daxildir. Bu məqsədlə Pekin 8,8 milyard dollar, Ər-Riyad isə 4,2 milyard dollar ayıracaqlar.
News-un məlumatına görə, əlavə maliyyə resurslarının alınması İslam Respublikası iqtisadiyyatının yükünü azaldacaq və bu ölkənin hazırda 8,9 milyard dollar təşkil edən valyuta ehtiyatlarının da gücləndirilməsinə ehtiyacı var.
