Kriptovalyuta ciddi yenlik var – dünyanın əsas kriptovalyutası Bitcoin aprelin 12-də 1000 dollara yaxın bahalaşaraq 7000 dolları keçib 8000 dollara yaxınlaşıb.
FED.az xəbər verir ki, qiymətlərin bu cür kəskin sıçrayışının hər hansı bir obyektiv səbəbi olmasa da, “Twitter”istifadəçiləri bunu, Bitcoinin şəriət qanunları baxımından “halal” elan olunması ilə əlaqələndirirlər.
Eləcə də bax: Virtual pulların hamısı bahalaşdı – QİYMƏTLƏR
@tradingroomapp adlı “Twitter” istifadəçisi yazıb ki, bitkoin halal elan edilib, və bundan sonra müsəlmanların bu sahəyə axını başlayıcıq:
«Əla xəbərlər var! İndi daha 1,8 milyard nəfər bitkoin ala biləcək. Bitkoin islam cəmiyyəti üçün halal elan edilib. Səudiyyə Ərəbistanı, Qətər və Abu-Dabinin suveren fondlarının bu bazara pul qoymasından sonra qiymətlərin sıçrayışlı artımını gözləyin», – deyə istifadəçi vəziyyəti aydınlaşdırır.
Bitkoinin halal elan edilməsi «Blossom Finance» startapının apardığı araşdırma ilə bağlıdır. Araşdırma nəticəsində elan edilib ki, əgər yerli hökumət rəqəmsal valyutanı qadağa etmirsə, müsəlmanlar bitkoindən istifadə edə bilərlər. Tədqiqatda sübut edilir ki, şəriətdə bank əməliyyatları üçün qoyulan qadağalar bitkoinə aid deyil və bitkoinlə əməliyyatlar şəriət qanunların zidd deyil. Amma ICO keçirilməsi, yəni kriptovalyutanın istehsalı şübhəli əməliyyat sayılır və müsəlmanlara məsləhət görülmür. Bu startapın araşdırmasına nüfuz gətirən cəhət odur ki, onun məsləhətçilərindən biri mufti Abu Bakardır.
Bu bəyanatdan sonra kriptovalyuta bazarı canlanıb və alıcıları bitkoin almağa həvəsləndirib. Nəticədə bitkoinn qiyməti 8 min dollara yaxınlaşıb, hərçənd sonra qiymətlər bir qədər sabitləşib və 7650 dollar ətrafındadır. Bitkoinin təqribən 15% bahalaşmasından sonra, Ethereum isə təqribən 10% bahalaşaraq 465 dollara yüksəlib.
Amma «islam yanaşması» baxımından müsbət xəbərə baxmayaraq Pakistandakı kriptovalyuta birjası- Urdubit dünən bağlanıb. Səbəbi mərkəzi bankın kriptovalyuta ilə əməliyatları qadağan etməsidir. Birja rəhbərliyi müştərilərin pulunu tezliklə qaytaracağına söz verib.
