Azərbaycan Qiymətiləndiricilər Cəmiyyətinin (AQC) təşkilatçılığı ilə iyulun 20-dən etibarən ölkədə qiymətləndiricilər üçün təlimlərə start verilib.

Eləcə də bax: Qiymətləndiricilər Cəmiyyətinin rəsmiləri QHT Agentliyi ilə görüşüb - FOTOLAR

FED.az xəbər verir ki, daşınmaz əmlakın qiymətləndirilməsi üzrə 20 iyul -04 avqust tarixlərində  «Demirchi Tower»də (Dəmirçi Plaza) keçirilən kurslar AQC-nin sədri,  “Vecon Consalting” qiymətləndirmə şirkətinin direktoru Vüqar Oruc,  UNEC müəllimləri, dosentlər: İbrahim Quliyev və  Qəhrəman Bayramov tərəfindən keçirilir.

Maliyyə və bank sektorundan, qiymətləndirmə şirkətlərindən 31 iştirakçının qatıldığı təlimlərin yekununda sertifikatlar təmin ediləcək. 

Təlimin mövzuları daşınmaz əmlakın qiymətləndirilməsi  metodologiyası və  standartlarını əhatə edir. Mövzular aşağıdakılardır: 

      I.            Daşınmaz əmlakın qiymətləndirilməsinin  elmi-nəzəri əsasları və   prinsipləri-Daşınmaz əmlak bazarı, onun formalaşması amilləri, funksiyaları və inkişaf meylləri

   II.            Kənd təsərrüfatına yararlı torpaq sahələrinin qiymətləndirilməsi

III.            Sənaye, tikinti və infrastruktur layihələrin reallaşdırılması məqsədilə istifadə edilən torpaq sahələrinin qiymətləndirilməsi

IV.            Faydalı qazıntıları olan torpaq sahələrinin qiymətləndirilməsi

   V.            Yaşayış təyinatlı daşınmaz əmlakın qiymətləndirilməsinə xərc yanaşması

VI.            Daşınmaz əmlak obyektlərinin məcmu köhnəlməsinin qiymətləndirilməsi

VII.            Yaşayış təyinatlı daşınmaz əmlakın qiymətləndirilməsinə müqayisə  yanaşması

VIII.            Yaşayış təyinatlı daşınmaz əmlakın qiymətləndirilməsinə gəlir  yanaşması

IX.            Qeyri-yaşayış təyinatlı daşınmaz əmlakın qiymətləndirilməsinin ümumi metodologiyası

   X.            Qiymətləndirmənin  nəticələrinin razılaşdırılması və hesabatın tərtibi

XI.            Birbaşa və çarpaz sualların, testlərin cavablandırılması və praktiki məsələlərin həlli