2024-cü ilin yanvar-aprel aylarında Azərbaycanda banklara sürətli pul köçürmə sistemləri vasitəsi ilə 607.5 milyon manat vəsait daxil olub. Azərbaycanda banklardan xaricə göndərilən vəsaitin həcmi isə 173.1 milyon manata bərabər olub.

Türkiyədən Azərbaycana pul köçürmələri 35% artıb

FED.az  xəbər verir ki, Azərbaycan Mərkəzi Bankın məlumatına görə,  ötən ilin yanvar-aprel aylarına nisbətən sürətli pul köçürmə sistemləri vasitəsi ilə banklara daxil olan vəsaitin həcmi 28.8% və ya 245.7 milyon manat, banklardan xaricə köçürmələr isə 23.1% və ya 52 milyon manat azalıb.

Qeyd edək ki, ötən ilin ilk 4 ayında Azərbaycanda banklara sürətli pul köçürmə sistemləri vasitəsi ilə 853.2 milyon manat daxil olub. Banklardan xaricə göndərilən vəsaitin həcmi isə 225.1 milyon manat təşkil edib. (Apa)