Bu ilin birinci rübü üzrə dövlət büdcəsi gəlirlərinin proqnozdan artıq icra olunması 2023-cü ilin dövlət büdcəsinə yenidən baxılmasına zəmin yaradıb.
FED.az xəbər verir ki, bu barədə iqtisadçı-ekspert Vüqar Bayramov deyib.
O bildirib ki, İqtisadi Şuranın sonuncu iclasında 2023-cü ilin dövlət büdcəsinə yenidən baxılması (dürüstləşmə) məsələsi müzakirə olunub. Büdcəyə ediləcək dəyişikliklərdən sonra büdcənin gəlir və xərclərində artımların olacağı gözlənilir.
Prezident:«Büdcə azı 3 milyard manat artırılacaq – ƏSAS VƏSAİTLƏR QARABAĞA YÖNƏLƏCƏK»
"Hələlik dürüstləşmə ilə bağlı konkret layihə ictimaiyyətə təqdim edilmədiyi üçün hansı istiqamətlər üzrə daha çox vəsaitin ayrılacağını indidən söyləmək mümkün olmasa da, bu zaman milli prioritetlərin nəzərə alınacağı istisna deyil. Belə ki, sosial təminatın daha gücləndirilməsi, işğaldan azad olunmuş ərazilərə böyük qayıdışın sürətləndirilməsi, dayanıqlı artan rəqabətqabiliyyətli iqtisadiyyatın müdafiəsi prioritetliyini qoruyub saxlamaqdadır", - deyə V.Bayramov qeyd edib.
İqtisadi Şuranın iclası keçirilib, dövlət büdcəsi dəyişir - TAPŞIRIQLAR VERİLİB
atırladaq ki, Salyan rayonunda ASAN Xidmət Mərkəzitnin açılışında çıxış edən prezident İlham Əliyev büdcə gəlirlərinin artımı səbəbi ilə dövlət büdcəsinə yenidən baxılacağını və büdcənin artırılacağını bildirib. Onun sözlərinə görə, ilkin vəziyyətə büdcə 3 milyard manat artırılacaq. Əsas artım istiqamətləri Qarabağda görülən işlər, ordu quruculuğu və sair sahələr olacaq.
Xatırlaaq ki, 2023-cü il dövlət büdcəsinin gəlirləri 30,7 milyard, xərcləri 33,3 milyard manatdır. Mövcud büdcə sənədinə əsasən, 2023-cü ildə dövlət büdcəsindən əməkhaqqı və pensiya ödənişləri daxil olmaqla 15,2 milyard manat sosial sahəyə yönəldiləcək. Bu ümumi büdcə xərclərinin 45,6 faizi deməkdir.
