Böyük Britaniyanın bank və maliyyə xidmətləri şirkəti HSBC ilin sonuna USD/TL üzrə proqnozunu 17,5-dən 19,5-ə yüksəldib.
Eləcə də bax: Türkiyə-Rusiya valyuta razılaşması – KİMƏ DAHA SƏRFƏLİDİR? – EKSPERT RƏYİ
FED.az xəbər verir ki, bankın bununla bağlı açıqlamasında bildirilir ki, «Mövsümi turizm gəlirlərinin daha az dəstəklənməsi və ixracın Avropadakı tənəzzül təzyiqi altında zəifləməyə davam etməsi səbəbindən payızda türk lirəsinin daha ciddi dəyər itirəcəyinə inanırıq».
Son rübdə turizm gəlirlərinə dəstəyin azalması ilə cari kəsirin daha da genişlənə biləcəyinə diqqət çəkən HSBC, 2022-ci ilin sonu üçün USD/TL proqnozunu 2022-ci ilin sonu üçün 17,5-dən 19,5 lirəyə, 2023-cü ilin ikinci rübü üçün isə 18,2 lirədən 21 lirəyə yüksəldib.
Mərkəzi və Şərqi Avropa, Yaxın Şərq və Afrika Valyuta Strateqi Murat Toprakın imzaladığı notada son aylarda artan inflyasiya səbəbiylə türk lirəsinin dəyər itirdiyi, real faizləri daha da sıxdığı, ilkin dəyər itkisi olduğu vurğulanıb.
Qeyddə o da bildirilir ki, qarşıdakı dövrdə pul siyasəti mövqeyində dəyişiklik olacağına dair hər hansı əlamət yoxdur. O da bildirilir ki, yerli vətəndaşların böyük valyuta alışının qarşısını valyuta ilə qorunan əmanətlər alır.
“Əlbəttə, dəstəkləyici monetar siyasət və dollarlaşma arasındakı qarşılıqlı əlaqə türk lirəsi üçün risk faktoru olaraq qalmağa davam edəcək, lakin bu, ən azı hələlik bizim üçün əsas narahatlıq deyil. Fikrimizcə, türk lirəsi üçün əsas makro risk tədiyyə balansının dinamikası ilə bağlıdır, burada pisləşmə gözləniləndən çox olur.
Rekord səviyyələrə yaxın olan xarici ticarət kəsiri, turizm sektorunun ən güclü olması lazım olan bir dövrdə belə cari əməliyyatlar açığını genişləndirir. Mövsümi turizm gəlirlərinin daha az dəstəklənməsi və Avropadakı tənəzzül təzyiqi səbəbindən ixracın zəifləməyə davam etməsi səbəbindən payızda türk lirəsinin daha ciddi dəyər itirəcəyinə inanırıq».
Hazırda Dollat/TL məzəənnəsi 17,91 türk lirəsinə bərabərdir.
