Türkiyə Geyim İstehsalçıları Dərnəyinin rəhbərləri xəzinə və maliyyə naziri Nəbati ilə görüşərək ixracatçılar üçün dolların məzənnəsinin 23 TL olmasını istəyiblər. Xatırladaq ki, hazırda Türkiyədə 1 dollar 19 lirə ətrafında dəyişir.
Keçən il Türkiyə 21,2 milyard dollarlıq geyim - İXRAC EDİB
FED.az xəbər verir ki, Türkiyənin ixracatında mühüm yer tutan hazır geyim sənayesi rəqabətədavamlı qalmaq və işçiləri ixtisar etməmək üçün xüsusi və yüksək məzənnə tələb edirlər.
Sektor nümayəndələri keçən ay Xəzinə və Maliyyə Naziri Nurəddin Nebati ilə görüşərək ixrac gəlirlərini lirəyə çevirərkən daha sərfəli məzənnə tələblərini çatdırıblar. Mövzu ilə bağlı qiymətləndirmələr aparan Türkiyə Geyim İstehsalçıları Dərnəyinin sədri Ramazan Kaya bildirib ki, məzəndəki təzyiq şirkətlərin xərclərini artırır. İxracımızın 70 faizi Avropaya olduğu üçün oradakı tələbat da buna əlavə olunur: «Biz bu qiymətlərlə rəqabət aparmaq şansını əldən veririk»-deyə Ramazan Kaya bildirib.
Kayanın sözlərinə görə, pərakəndə və alış-veriş mərkəzlərini də nəzərə alanda 2 milyona yaxın işçinin çalışdığı sektor bu il təxminən 100 000 işçini ixtisar etməli ola bilər. Kaya, «Son 3-4 ayda artıq 30 minə yaxın işdən çıxarılıb» deyib.
Noyabr ayı etibarilə Türkiyədə işsizlik nisbəti 10,2%, rəsmi işsizlərin sayı isə təxminən 3,6 milyon nəfər olub. Ərdoğan minimum əmək haqqını 55 faiz artıraraq 2,3 milyon EYT üzvünün təqaüdə çıxmasına yol açdı. Bundan əlavə, 2023-cü ilin ilk 6 ayı ərzində dövlət qulluqçularının və pensiyaçıların maaşlarında 30 faiz artım edilib.
İxracatçılar bir müddətdir ki, lirənin inflyasiya tempində ucuzlaşmasına icazə verilməməsindən şikayətlənirlər. Lirə keçən il inkişaf etməkdə olan bazar valyutaları arasında ən pis göstəricilərdən birini göstərsə də, ixracatçılar hələ də lirəni çox baha hesab edirlər.
Kaya, sektor üçün ideal məzənnənin 23 lirə/dollar və 24 lirə/avro civarında ola biləcəyini və xüsusi məzənnənin 9 aya qədər müvəqqəti müddət üçün tətbiq oluna biləcəyini söyləyir. Hökumətin bu müraciətə necə cavab verəcəyi hələ də bəlli deyil. Dollar 18,8 lirə, avro isə 20,1 lirə ətrafında satılır.
Türkiyə tekstil ixracı 2020-ci ildə dünya üzrə ümumi tekstil ixracının 4%-ni reallaşdırıb. Hazır geyim və hazır geyim sənayesi ötən il 21,2 milyard dollarlıq ixracatla Türkiyənin ixracatının 8 faizini təşkil edib.
