Rusiya Federal Antiinhisar Xidməti şəkər tədarükü zəncirinin iştirakçılarının mağazalara daşımalarının gecikməsinin qarşısını almaq üçün yoxlamalar aparır.
Eləcə də bax: Azərbaycanda Rusiya konfet və şirniyyatları - BAHALAŞACAQ
FED.az xəbər verir ki, bu barədə Federal Antiinhisar Xidmətinin mətbuat xidməti məlumat yayıb.
“Rusiya Federasiyası Baş nazirinin birinci müavini Andrey Belousovun tapşırığı ilə xidmət şəkərin pərakəndə satış məntəqələrinə daşınmasında gecikmələrin qarşısını almaq üçün bazar iştirakçılarını yoxlayır",- məlumatda bildirilir .
Həmçinin Baş Prokurorluq şəkərin qiymətini süni şəkildə artırmaq cəhdlərindən sonra istehsalçıları yoxlayır.
Antiinhisar Xidməti qeyd edir ki, bir sıra bölgələrdə mağaza rəflərində şəkərin olmaması vicdansız təşkilatların tələsik tələbatı ilə bağlıdır.
"Rusiyanın Antiinhisar Xidməti əsassız qiymət artımının və süni qıtlığın yaradılmasının yolverilməzliyini qeyd edir. Belə faktlar aşkar edilərsə, xidmət dərhal cavab tədbirləri görür", - mətbuat xidməti vurğulayıb.
Eyni zamanda, zərurət yaranarsa, materiallar prokurorluğa veriləcək. (Marja)
