İqtisadiyyat

Azərbaycanda bahalaşan və ucuzlaşan - QEYRİ-ƏRZAQ MALLARI - SİYAHI

Azərbaycanda bahalaşan və ucuzlaşan - QEYRİ-ƏRZAQ MALLARI - SİYAHI | FED.az
13:10 15 Yan 2020

2019-cu ildə istehlak qiymətləri indeksi 2018-ci illə müqayisədə 2,6%,  qeyri-ərzaq malları üzrə 1,2%, əhaliyə göstərilən ödənişli xidmətlər üzrə 2,0% artıb. 

FED.az xəbər verir ki, 2019-cu ilin dekabr ayında noyabr ayına nisbətən qeyri-ərzaq mallarının hətta bəzilərində ucuzlaşma baş verib. 

Eləcə də bax:İnflyasiyada ciddi dəyişikliklər - BAŞ VERMƏYİB

Belə ki, parçaların, geyim və ayaqqabıların, xalça və digər döşəmə örtüklərinin, mebel və ev əşyalarının, divar kağızlarının, yağlı və sulu boyaların, soyuducuların, velosipedlərin, tozsoranların qiymətlərində bahalaşma, kondisionerlərin, mobil telefonların, televizorların, kəsilmiş taxtanın, toz şəklində sintetik yuyucu vasitələrin qiymətlərində isə ucuzlaşma müşahidə olunmuşdur. Digər qeyri-ərzaq mallarının qiymətlərində ciddi dəyişikliklər baş verməmişdir.

Ötən ilin dekabr ayında noyabr ayı ilə müqayisədə əhaliyə göstərilən ödənişli xidmətlərdən paltarların təmizlənməsi, təmiri və kirayəsi, məişət cihazlarının təmiri, bərbərxana, kosmetoloji və tibbi xidmətlərin, otel və mehmanxanalar tərəfindən göstərilən gecələmə xidmətlərinin, dəmiryolu və hava nəqliyyatı ilə beynəlxalq sərnişindaşıma xidmətlərinin, mənzillərin icarə haqqının qiymətləri bahalaşmışdır. Digər ödənişli xidmətlərin qiymətlərində ciddi dəyişikliklər baş verməmişdir.

Digər xəbərlər