Yanvar-may aylarında Azərbaycanın dövlət təşkilatlarının qənaət rejiminə keçməsi özünü idxalda da göstərib.

FED.az xəbər verir ki, bu ilin yanvar-may aylarında dövlət təşkilatlarının xətti ilə cəmi 725,3 milyon dollarlıq mal idxal edilib. Bu ötən illə müqayisədə 3,2 dəfə azdır.

Eləcə də bax: Azərbaycanın ixrac-idxalı kəskin azalıb – MÜSBƏT SALDO ARTIB 

Xatırladaq ki, neftin qiymətinin komfort zonasında olduğu 2019-cu ilin eyni dövründə dövlət qurumlarının xətti ilə idxalın həcmi 2 milyard 316 milyon dollar təşkil etmişdi.

Bu azalma nəticəsində dövlət təşkilatlarını ümumi idxaldakı payı azalaraq ötən ilki 40%-dən bu il 17,4%-ə düşüb.

İş o yerə çatıb ki, dövlət qurumlarının idxal həcmi fiziki şəxslərin idxalı ilə müqayisə olunacaq dərəcəyə düşüb.

Belə ki, ötən ilin ilk 5 aynıda fiziki şəxslərin idxalı cəmi 326 milyon dollar idi. Və bu dövlət təşkilatlarından 7 dəfə az idi.

Bu il isə fiziki şəxslərin idxalının həcmi 374 milyon dollar yüksəlib. Bu isə dövlət təşkilatlarınnı ümumi göstəricisindən cəmi 2 dəfə azdır.

Bu il özəl sektorun idxalında da azalma var. Ötən il özəl sektor ilk 5 ayda 3 milyard 192,4 milyon dollarlıq idxal etmişdisə, bu il həmin göstərici 3 milyard 65 milyon dollara düşüb.

Amma ümumi idxalda özəl sektorun payı 55%-dən 74%-ə yüksəlib.