Avstriya hökuməti yüksək inflyasiya fonunda artan qiymətlər səbəbindən əhaliyə artan xərcləri kompensasiya etmək üçün 28 milyard avrodan çox yardım paketi təqdim edir.
Eləcə də bax: Almaniyada inflyasiya 1974-cü ilin qışından bəri - Ən Yüksək Səviyyədə!
FED.az xəbər verir ki, bu barədə çərşənbə axşamı Avstriya kansleri Karl Nehammer məlumat verib.
"Biz insanlara inflyasiyanın onlardan götürdüyü pulları geri vermək qərarına gəldik. Biz insanların yükünü yüngülləşdirmək üçün 28 milyard avrodan çox paket yaratmağa müvəffəq olduq", - Nehammer Vyanada mətbuat konfransında bildirib.
Kansler əlavə edib ki, yardım paketi inflyasiyanın artması nəticəsində iqtisadiyyatın bütün sahələrində bahalaşma nəticəsində əhalinin üzləşdiyi yükü yüngülləşdirməlidir.
Onun sözlərinə görə, pensiyaçılar 500 avrodan 1000 avroya qədər, vergi ödəyən əhali artan xərcləri kompensasiya etmək üçün eyni məbləğləri, uşaqlı ailələr hər uşağa görə 900 avroya qədər, kasıblar isə 800 avro alacaqlar.
Avstriyada inflyasiya 2022-ci ilin fevralından bəri rekord həddə çatıb. Mart və aprel aylarında, 1981-ci ildən bəri ilk dəfə 6,8% və 7,2% səviyyələrinə çatıb. Artan inflyasiya yanacaq, enerji resursları və ərzaq məhsullarının qiymətlərinin artımını şərtləndirir. May ayında inflyasiyanın 1975-ci ildən bəri ən yüksək səviyyədə - 8% olacağı gözlənilir. (Marja)
