İqtisadiyyat

Azərbaycandan ixracda özəl sektorun payı - KƏSKİN ARTIB

Azərbaycandan ixracda özəl sektorun payı - KƏSKİN ARTIB | FED.az
10:27 22 May 2019
Azərbaycandan xaricə ixracda özəl sektorun payı sürətlə artmaqdadır. Dövlət sektorunun payı azalsa da, hələ də ölkədən ixracda əsas yeri dövlət qurumları tutur. FED.az Dövlət Gömrük Komitəsinin hesabatına istinadən xəbər verir ki, bu ilin 4 ayı ərzində Azərbaycandan xaricə ixracın həcmi 7 089 milyon dollar olub. Bu ötən ilin analoji dövrü ilə müqayisədə 25,39% çoxdur. İlk 4 ayda ixracın böyük hissəsi, təqribən 60%-i dövlət sektorunun payına düşüb. Özəl sektor 40%, fiziki şəxslər isə cəmi 0,3% paya malikdir.

Əvvəlki illərin ixrac statistikası göstərir ki, son 3 ildə ixracda dövlət sektorunun payı azalmaqda, özəl sektorun payı sürətlə artmaqdadır.

Eləcə də bax: «Ticarəti ağartdıq, 19% çox vergi yığıldı» - NAZİRLİKDƏN AÇIQLAMA

Belə ki, 2017-ci ilin ilk 4 ayında özəl sektorun ixracda payı 16,7% olduğu halda, 2018-də bu rəqəm 26,6%, 2019-da isə qeyd edildiyi kimi 40%-ə çatıb.

Özəl sektorun ixracda payı ilə yanaşı, həcmi də sürətlə yüksəlib. Belə ki, 2017-ci ildə 484 milyon dollar olan göstərici, 2018-ci ildə 3,1 dəfə artaraq 1 milyard 501,3 milyon dollara çatıb. 2019-cu ildə özəl sektorun ixracı 2 milyard 836,8 milyon dollara çatıb ki, bu da 2018-in göstəricisindən 89%, 2017-ci ilin göstəricisindən isə 5,8 dəfə artıqdır.

İsə ixracda payı azalmaqdadır. 2017-ci ilin ilk 4 ayında ölkədən ümumi ixracın 84,2%-ni təmni edən dvlət sektorunun payı 2018-ci ildə 73,1%-ə, 2019-un ilk 4 ayında isə 59,7%-ə düşüb. Dövlət sektorunun ixracda payı azalsa da, rəqəm ifadəsində göstəriciləri müsbətdir. Hərçənd, əvvəlki illərdəki artımdan danışmağına dəyməz. Belə ki, 2017-ci ilin ilk 4 ayında dövlət sektoru hesabına 2 milyard 891,6 milyon dollar təşkil edibsə, 2018-in analoji dövründə 4 milyard 136,7 milyard dollar, 2019-da isə 4 milyard 236,1 milyon dollar olub.

Dövlət və özəl sektordan fərqli olaraq fiziki şəxslərin ixracda ciddi uğurları yoxdur. Əksinə, 2017-ci ildə fiziki şəxslərin xətti ilə ölkədən 54,7 milyon dollar ixrac olmuşdu və onlar bu göstərici ilə ixracda 1,6% paya malik idilər. 2018-ci ildə bu göstərici kəskin azalaraq 13,9 milyon dollara endi, ixracda isə fiziki şəxslərin payı 0,23% təşkil etdi. 2019-cu ilin ilk 4 ayında isə fiziki şəxslər ölkədən 17 milyon dollarlıq mal ixrac ediblər ki, bu da ümumi ixracın 0,24%-i deməkdir.

2017-2019 illər üzrə Azərbaycanın ixrac əməliyyatları üzrə göstəriciləri

 

İllər üzrə göstərici

2017-ci il

2018-ci il

2019-ci il

Dövlət sektorun payı

84,2%

73,1%

59,7%

Özəl sektorun payı

16,7%

26,6%

40,0%

Fiziki şəxslərin payı

1,6%

0,23%

0,24%

 
 

 

Digər xəbərlər